Լրահոս
Օրվա լրահոսը

«Չենք սպասում, որ մենք արագ պետք է հասնենք հակամարտության հանգուցալուծմանը»

Հունվար 18,2018 17:30

«Խնդրի կարգավորման վերաբերյալ մեր եւ համանախագահների դիրքորոշումներում լուրջ հակասություններ չկան: Կրկնում եմ, որ խնդիրը պետք է լուծվի բացառապես խաղաղ ճանապարհով, բացառապես Մինսկի խմբի շրջանակում՝ երեք հայտնի սկզբունքների հիման վրա, քանի որ կարեւոր է ինքնորոշման իրավունքի ամբողջական իրացումը»,- Aravot.am-ի հետ զրույցում անդրադառնալով հունվարի 18-ին Լեհաստանի Կրակով քաղաքում կայանալիք ՀՀ եւ Ադրբեջանի արտգործնախարարների հանդիպմանը՝ ասաց ԱԺ փոխնախագահ Էդուարդ Շարմազանովը:

Թե ինչպես պետք է դուրս գալ Արցախյան հակամարտության բանակցային գործընթացի փակուղուց՝ այն դեպքում, երբ Ադրբեջանը հրաժարվում է բանակցել փոխզիջումային տարբերակի շուրջ, Շարմազանովը նշեց. «Չենք սպասում, որ մենք արագ պետք է հասնենք հակամարտության հանգուցալուծմանը: Բանակցությունների այլընտրանքը վատ բան է՝ ոչ խաղաղ կարգավորումը: Չկա առավել արդյունավետ լուծում, քան բանակցությունների ճանապարհն է: Անգամ պատերազմական գործողություններից հետո պետք է նստել եւ բանակցել: Մի խնդիր ունենք՝ Արցախը պետք է վերադառնա բանակցային սեղանի շուրջը: Կարծում եմ՝ դա էլ կլինի»:

 

ԼՈՒԻԶԱ ՍՈՒՔԻԱՍՅԱՆ

Լուսանկարը՝ հեղինակի

«Առավոտ»

17.01.2018

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հունվար 2018
Երկ Երե Չոր Հնգ Ուրբ Շաբ Կիր
« Դեկ   Փետ »
1234567
891011121314
15161718192021
22232425262728
293031