Լրահոս
Օրվա լրահոսը

Թեհրանում անցկացվեց «Հայաստան. մշակութային երեկո» միջոցառումը

Հունվար 18,2018 14:35

Հունվարի 16-ին ԻԻՀ-ում ՀՀ դեսպանության և Իրանի ազգային թանգարանի կողմից կազմակերպվեց «Հայաստան. մշակութային երեկո» միջոցառումը, որին մասնակցեցին ԻԻՀ մշակութային ժառանգության, ձեռնարվեստի և զբոսաշրջության կազմակերպության փոխնախագահ Մոհամադ Հասան Թալեբիանը և պետական այլ պաշտոնյաներ, իրանական մշակութային և հասարակական գործիչներ, Թեհրանի հայոց թեմի առաջնորդական փոխանորդ Տ. Մակար եպս. Աշգարյանը, պատգամավորական ժողովի ու թեմական խորհրդի անդամներ և հայ համայնքի հարյուրավոր ներկայացուցիչներ:

Միջոցառումը նվիրված էր 2017թ. հոկտեմբերի 17-ից բացված և երեք ամիս տևած «Հայաստան և Իրան. հողի հիշողությունը» խորագիրը կրող ցուցահանդեսի աշխատանքների ամփոփմանը: Երեկոյի ընթացքում տեղի ունեցան «Հայաստան և Իրան. հողի հիշողությունը» կատալոգի և Մարիամ Դարայի հեղինակած «Ուրարտական սեպագիր արձանագրություններ Իրանից» գրքի շնորհանդեսները:
Ելույթներով հանդես եկան դեսպան Արտաշես Թումանյանը, Մոհամադ Հասան Թալեբիանը, Իրանի ազգային թանգարանի տնօրեն Ջեբրաիլ Նոքանդեն և այլոք:

Բոլոր ելույթներում անդրադարձ եղավ վերոնշյալ մշակութային միջոցառման բացառիկ հաջողությանը, նշվեց, որ ցուցահանդես է այցելել 45 հազար իրանցի և օտարերկրյա քաղաքացիներ, այդ թվում՝ ուսանողներ, գիտնականներ, հետազոտողներ, միջազգային կառույցների ու դիվանագիտական առաքելությունների ներկայացուցիչներ և այլն:

Ցուցահանդեսի անցկացման եռամսյա ժամանակահատվածում տեղի ունեցան մի շարք գիտագործնական կոնֆերանսներ: ԻԻՀ ԶԼՄ-ները լայնորեն լուսաբանեցին ցուցահանդեսի աշխատանքների ընթացքը: Հազարավոր մարդիկ հաղորդակցվեցին ուրարտական մշակույթի և քաղաքակրթության բարձր արժեքներին. մի բան, որ լավագույնս խորհրդանշում է հայ-իրանական հինգհազարմյա պատմությունը:

Երեկոյի ընթացքում համերգային ծրագրերով հանդես եկան երաժշտական խմբեր, ներկայացվեցին Կոմիտասի, Արամ Խաչատրյանի, Առնո Բաբաջանյանի և այլոց ստեղծագործությունները:

ՀՀ ԱԳՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հունվար 2018
Երկ Երե Չոր Հնգ Ուրբ Շաբ Կիր
« Դեկ   Փետ »
1234567
891011121314
15161718192021
22232425262728
293031