Լրահոս
Օրվա լրահոսը

Տավուշի դպրոցների հաստիքների կրճատման մասին «սեւ նամակներ» են ուղարկվել

Հունվար 18,2018 15:26

Տարեմուտին`2017թ. դեկտեմբերի 27-ին Տավուշի մարզխորհրդի նիստում, որին մասնակցում էին մարզի հանրակրթական դպրոցների տնօրենները, մարզպետարանի աշխատակազմի կրթության, մշակույթի եւ սպորտի վարչության պետ Կարեն Նազարյանը հայտարարեց ֆինանսների նախարարության ու կրթության եւ գիտության նախարարության համատեղ նամակի մասին, որով դպրոցների տնօրեններին առաջարկվել է դպրոցների ոչ մանկավարժական հաստիքների թիվը համապատասխանեցնել երկու նախարարությունների կողմից ներկայացված սահմանաքանակին:

Այսպես, մինչեւ 100 աշակերտ ունեցող դպրոցներում պետք է լինի ոչ մանկավարժական առավելագույնը 7.5, 100-300 աշակերտ ունեցող դպրոցներում`9.5, իսկ 300-ից ավելի աշակերտ ունեցող դպրոցներում`13 հաստիք: Ոչ մանկավարժական հաստիքների մեջ մտնում են տնօրենի, փոխտնօրենի, հաշվապահի, պահակի, հավաքարարի հաստիքները:

Հավանակա՞ն է, որ Տավուշի դպրոցներում դասղեկության համար այլեւս ուսուցիչներին գումար չեն վճարի կամ շատ քիչ վճարեն: Այդ մասին հարց տվեցինք մարզպետարանի վարչության պետ Կարեն Նազարյանին: Նա հայտնեց, որ դասղեկության, մեթոդական միավորումների համար վճարվող գումարները աշխատավարձ չեն, այլ`հավելավճարներ, դրանք վճարվում են , եթե տվյալ դպրոցը դրա համար բավարար ֆինանսական միջոցներ ունի:

Ոսկան ՍԱՐԳՍՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հունվար 2018
Երկ Երե Չոր Հնգ Ուրբ Շաբ Կիր
« Դեկ   Փետ »
1234567
891011121314
15161718192021
22232425262728
293031