Լրահոս
Օրվա լրահոսը

«Զվարթնոց» օդանավակայանից ուղիղ Գյումրի. լեհ ներդրողը չի շրջելու Երևանում. (Տեսանյութ)

Հունվար 19,2018 17:56

Ուսանողների ու գործարարների հետ այսօր հանդիպման նպատակով Գյումրու տեխնոլոգիական կենտրոնում հյուրընկալված Հայաստանի զարգացման հիմնադրամի գործադիր տնօրեն Արմեն Ավակ Ավակյանից Aravot.am-ը հետաքրքրվեց, թե կա՞ն արտերկրից ներդրողներ, որոնք հետաքրքրություն են ցուցաբերում Գյումրու հանդեպ:

Նշենք, որ այս հիմնադրամը երկու հիմնական նպատակ ունի՝ մեր երկրից արտահանման խթանումն ու արտասահմանյան ներդրումները Հայաստան բերելն է:

Վերջինս նշեց, որ Գյումրու հանդեպ հետաքրքրություն կա երկու ոլորտներում, մեկը տեղեկատվական տեխնոլոգիաներն են, մյուսը տեքստիլ արդյունաբերությունը:

«Կան մարդիկ, որոնք հետաքրքրված են ընդհանրապես Հայաստանում ներդրում կատարելով, արտասահմանյան ներդրողին նախ պետք է ծախել Հայաստանի միտքը, հետո նոր ծախենք Գյումրի- Երևան և այլն… Ինքը պայմանական Ամերիկայում նստած, իրեն ասում ենք՝ արի քո IT ոլորտի 20 հոգանոց թիմը բեր, դիր Հայաստանում, Հայաստանը որտեղ է, ինչ է, այսպես զրոյից են սկսվում խոսակցությունները: Որ ասեմ կոնկրետ, հենց հիմա Գյումրիի հանդեպ հետաքրքրություն կա, այո կա: Լեհաստանից ընկերություն կա, որը փետրվարի 7-ին գալու է, նույնիսկ գրել է, որ այսինչ ժամին կիջնեմ օդանավակայան, կնստեմ մեքենա ու ուղիղ Գյումրի: Այսինքն, Երևան չի էլ գալու, մենք «Զվարթնոց» օդանավակայանից իրեն միանգամից վերցնելու ենք, բերենք Գյումրի: Այդ տրամաբանությամբ, այո, հետաքրքրվողներ կան, բայց, բնականաբար, մեկ կամ երկու հատով չենք բավարարվի»,- ասաց Արմեն Ավակ Ավակյանը:

Նունե ԱՐԵՎՇԱՏՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Ամենաընթերցված

Օրացույց
Հունվար 2018
Երկ Երե Չոր Հնգ Ուրբ Շաբ Կիր
« Դեկ   Փետ »
1234567
891011121314
15161718192021
22232425262728
293031