«Այս շարժման նպատակն է՝ վերջ տալ ՀՀ քաղաքացիների թշվառացմանը»,-«Ելք» դաշինքի նախաձեռնած՝ Հարկային օրենսգրքում փոփոխությունների հետեւանքով գրանցված թանկացումների դեմ բողոքի երթի ժամանակ այսօր հայտարարեց դաշինքի առաջնորդներից Նիկոլ Փաշինյանը:
Նա նկատեց. «Մեր հասցեին մեղադրանքներ են հնչում, թե՝ փոխանակ քաղաքական պահանջ ներկայացնենք, թանկացումների դեմ ենք պայքարում: Բայց մի՞թե թանկացումը միայն սոցիալական խնդիր է: Ոչ, ՀՀ քաղաքացիներն ավելի ամուր են գամվելու 10.000-ոց շղթաներով»:
Պատգամավորի խոսքով՝ «Ելք»-ն ընդդեմ թանկացումների պայքարով ցանկանում է քաղաքացուն դարձնել ՀՀ տնտեսական եւ քաղաքական կյանքի վճռորոշ գործոն. «Կոչ եմ անում դուրս գալ փողոց եւ իրավիճակի տերը լինել: ՀՀ քաղաքացին այն քաղաքացին է, որն Արցախում պատերազմ է հաղթել, պետություն կերտել, այսօր էլ մնում է Հայաստանում եւ հաղթում: ՀՀ քաղաքացին հաղթելու է»:
Հիշեցնենք, որ «Ելք»-ի հաջորդ երթը փետրվարի 5-ին է:
Լուիզա ՍՈՒՔԻԱՍՅԱՆ
