Առաջին անգամ կհրատարակվի ստվարածավալ հանրագիտարան առաջին հանրապետության բանակի սպաների մասին։ Կհրատարակվի ռուսերեն լեզվով, քանի որ փաստաթղթերը, որոնց հիման վրա կազմվում է հանրագիտարանը, հարյուր տոկոսով ռուսերեն են։ ՀՀ Ազգային արխիվի տնօրեն Ամատունի Վիրաբյանի խոսքով՝ հայ սպաների հիմնական մասը գնդակահարվել է 1937-ին՝ ներկայիս ԱԺ նկուղներից մեկում և միայն մի քանիսին է բախտ վիճակվել կենդանի մնալ, որոնց թվում էր Հովհաննես Բաղրամյանը։
Սա այն չորս աշխատություններից մեկն է, որ Հայաստանի հանրապետության և մայիսյան հերոսամարտերի 100-ամյակին նվիրված կհրապարակի Հայաստանի ազգային արխիվը։
Երկրորդ աշխատությունը՝ Հայաստանի հանրապետության քաղաքական պատմությունն է, ըստ փաստաթղթերի։
Ամատունի Վիրաբյանի խոսքով սա կլինի փաստաթղթերի մի ժողովածու, առանց հեղինակային մեկնաբանության և յուրաքանչյուր հետազոտող կկարողանա գտնել իր հարցերի պատասխանը։
Մանրամասներին կարող եք ծանոթանալ՝ «Ա1+»-ի կայքում:
Ազգային ժողովի շենքի կառուցումը սկսվել է 1948թ. եւ ավարտվել 1950թ.: Շենքի նախագծումը կատարվել է 1947 թվականին: Նախկինում այն եղել է ՀԿԿ ԿԿ շենքը: