Դեռ 3 տարի առաջ՝ 2015 թվականի մարտ ամսին Գյումրու քաղաքապետ Սամվել Բալասանյանը նամակ-ուղերձ էր հղել ՌԴ պաշտպանության նախարար, գեներալ Սերգեյ Շոյգուին՝ առաջարկելով Ռուսաստանի Դաշնության միջոցներով ասֆալտապատել Գյումրու այն փողոցները, որոնք անընդմեջ վնաս են կրում ռուսական 102-րդ ռազմաբազայի ծանր տեխնիկայից։ Սակայն, մինչև օրս Գյումրու քաղաքապետարանը պաշտոնական այս նամակին պատասխան չի ստացել։ Aravot.am-ի հետ զրույցում Գյումրու գլխավոր ճարտարապետ Հենրիկ Գասպարյանն ասաց, որ դեռ քննարկման փուլում է։
Ըստ նրա, խոսքը մոտ 10 կիլոմետր հատված վերանորոգելու մասին է` 102-րդ ռազմաբազայի շուրջբոլորը, Շիրակացու փողոցը շրջանցող ճանապարհը և «Կազաչի պոստի» հատվածը։
«Մենք նամակով ՌԴ պաշտպանության նախարարին խնդրել էինք օժանդակել այդ հատվածների վերանորոգմանը, իրենց միջոցներով ներդրում կատարել, բայց դեռ վերջնական ոչինչ չկա»,- ասաց Հենրիկ Գասպարյանը։
Նունե ԱՐԵՎՇԱՏՅԱՆ
Լուսանկարը՝ Hetq.am-ի
հիմար վեռանգրերով էս ինչղ կխաբեն էս ժողովրդին, ինչղ կսիրեն մարդականց մոլորցնել