Լրահոս
Օրվա լրահոսը

Հազվագյուտ երևույթ հունվարի 31-ին՝ «արյունոտ գերլուսին»

Հունվար 23,2018 14:48

Հունվարի 31-ին՝ լիալուսնի փուլում, Լուսինը հատկապես մոտ կլինի Երկրին և կդիտվի սովորականից ավելի մեծ և ավելի պայծառ։ Հունվար ամսվա ընթացքում սա երկրորդ «գերլուսինն» է (1-ինը տեղի ունեցավ հունվարի 1-ի լույս 2-ի գիշերը): «Երկնագույն Լուսին». պայմանականորեն այսպես է կոչվում լիալուսնի՝ ամսվա մեջ 2 անգամ երևալը: Իրականում Լուսինն իր գույնը չի փոխելու, կապույտ չի դառնալու: Անվանումն անգլիական «Once in a Blue Moon» դարձվածքից է, որը նշանակում է հազվադեպ, ոչ հաճախ հանդիպող: Նման երևույթ հիմնականում տեղի է ունենում 2-3 տարին մեկ:

Հունվարի 31-ին կդիտվի նաև Լուսնի խավարում։

Խավարման ժամանակ Լուսինն աստիճանաբար մգանում և հետո դառնում է մուգ կարմրավուն, արյան գույն: Այդ պատճառով այն հաճախ անվանում են արյունոտ լուսին, իսկ Գերլուսնի դեպքում՝ «Արյունոտ Գերլուսին», որն, իրոք, շատ հազվագյուտ երևույթ է:
Խավարումն ավելի լավ տեսանելի կլինի Կենտրոնական և Արևելյան Ասիայից, Նոր Զելանդիայից, Ավստրալիայից, Ինդոնեզիայից: Հայաստանում կդիտվի մասնակի խավարում։

Հետաքրքրական է, որ դրանից երկու շաբաթ անց՝ փետրվարի 15-ին, երբ Լուսինը կհայտնվի Երկրի և Արեգակի միջև, կդիտվի արդեն Արեգակի խավարում։

Բյուրականի աստղադիտարան

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հունվար 2018
Երկ Երե Չոր Հնգ Ուրբ Շաբ Կիր
« Դեկ   Փետ »
1234567
891011121314
15161718192021
22232425262728
293031