Լրահոս
Օրվա լրահոսը

Գուցե մեկ անգամ եւս խորհենք. Սարգիսն արժանի է՞ Եռաբլուրում ամփոփվելու

Հունվար 24,2018 15:06

Ֆրանսահայ մտավորական, ազատամարտիկ, հասարակական գործիչ Սարգիս Հացպանյանի կինը՝ տիկին Հասմիկն այսօր է վերադարձել Լիոնից: Նա Լիոնում գտնվելու ժամանակ հեռախոսազրույց էր ունեցել ԱԺ պատգամավոր Նաիրա Զոհրաբյանի հետ, ամուսնու հուղարկավորության, պաշտպանության նախարարությանը դիմելու հարցով:

Սարգիսի դին Հայաստան կբերվի ուրբաթ:

Սարգիսի մարտական ընկերները փորձում են ստորագրահավաքներով, սոցիալական ցանցերում իրենց էջերով պահանջել, խնդրել, հորդորել, որպեսզի Սարգիսն ամփոփվի Եռաբլուրում:

Ինչպես իննսունականների շատ կամավորականներ, Սարգիսը «ազատամարտի մասնակցի վկայական» չունի: Ի դեպ, այս հարցն արծարծվեց նաեւ այն ժամանակ, երբ դատական գործընթացներ սկսվեցին նրա դեմ:

Սակայն ով է մոռացել նրա մասնակցության մասին, սփյուռքահայ սակավաթիվ երիտասարդներից մեկի մասին, որը տարատեսակ օգնություններ էր տանում, բաժանում, իսկ այս ամենի ամենաճշմարիտ վկաները արցախցիներն էին

Գուցե մեկ անգամ եւս խորհենք միասին. Սարգիսն արժանի՞ է Եռաբլուրում հանգչելու: Քիչ ժամանակ է մնացել:

Ռուզան ՄԻՆԱՍՅԱՆ

Սարգիսի վերջին նկարը «Առավոտում»

Հ. Գ. «Առավոտի» կողմից հիշեցնենք, որ ՊՆ մամուլի խոսնակ Արծրուն Հովհաննիսյանը այս առնչությամբ ասել էր «ՀԺ»-ին, որ Եռաբլուրը պետական պանթեոն է, եւ այնտեղ հուղարկավորելու հատուկ կարգ կա, փաստաթղթեր են հավաքվում, պաշտոնական դիմում է գրվում եւ այլն՝ նման բան տեղի չի ունեցել։ Երկու ազատամարտիկ, իր տեղեկություններով, զանգահարել են ՊՆախարարի խորհրդական, գեներալ-մայոր Վարդան Ավետիսյանին եւ պարզապես հետաքրքրվել են։  Նման դիմում չի ստացվել, որի հիման վրա ըստ կարգի քննարկում կազմակերպվի, ասել էր Հովհաննիսյանը։

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (1)

Պատասխանել

  1. Գոհար Արշակյան says:

    Անմնացորդ նվիրյալները մարտի դաշտ էին գնացել մարտնչելու համար և ոչ թե թղթեր դիզելու, որ այսօրվա չինովնիկները կողմնորոշվեն…

Պատասխանել

Օրացույց
Հունվար 2018
Երկ Երե Չոր Հնգ Ուրբ Շաբ Կիր
« Դեկ   Փետ »
1234567
891011121314
15161718192021
22232425262728
293031