Պարզից էլ պարզ է, որ Հենրիխ Մխիթարյանը ՄՅՈՒ-ում գտնվելու վերջին ամիսներին խաղային ժամանակ չէր ստանում ոչ թե նրա համար, որ անսպասելիորեն սկսեց չհամապատասխանել «կարմիր սատանաների» խաղաոճին, այլ Ժոզե Մոուրինիոյի հետ անձնական հարաբերությունների վատացման պատճառով:
Մոուրինիոն հայ ֆուտբոլիստին ստիպում էր ավելի շատ ժամանակ անցկացնել պաշտպանությունում, ինչը ամբողջ ֆուտբոլային Եվրոպան է ասում, Մխիթարյանինը չէ:
Հասկանալի է, որ Հենոն այդ դիրքում իրեն հարմարավետ չէր զգում եւ չէր կարող իրեն լավագույն ձեւով դրսեւորել: Իսկ մարզիչը իր որոշումը չէր փոխում: Այդպես երկար շարունակվել չէր կարող:
Վերջերս անձնական զրույցներից մեկի ժամանակ Հենրիխ Մխիթարյանի մտերիմ մարդկանցից մեկը ասաց հետեւյալը. «Մոուրինիոն շարունակում էր Հենոյին ստիպել խաղալ պաշտպանությունում եւ պահանջում լավ խաղալ, ինչին մի օր նա պատասխանել է. «Եթե ուզում, որ ես պաշտպանությունում խաղամ, ինքդ սովորեցրու»: Դրանից հետո Մոուրինիոն որոշել է պատժել «հանդուգն» ֆուտբոլիստին:
Նման բան իսկապե՞ս եղել է: Դժվար է ասել, բայց ճշմարտանման է:
Աշոտ ՀԱԿՈԲՅԱՆ
