Լրահոս
Օրվա լրահոսը

Վազգեն Սարգսյան շքանշան՝ «Տեսակետ» մամուլի ակումբի ղեկավարին

Հունվար 31,2018 13:00

Օրերս «Տեսակետ» մամուլի ակումբում «Արծիվ մահապարտների միություն» հ/կ նախագահ, գեներալ-մայոր Աստվածատուր Պետրոսյանը, Կին ազատամարտիկների միության նախագահ, գնդապետ Աիդա Սերոբյանը «Հաճըն հայրենակցական միության» ատենապետ, «Տեսակետ» մամուլի ակումբի ղեկավար եւ «Տեսակետ.ինֆո» լրատվականի խմբագիր Հովհաննես Գրիգորյանին պարգեւատրեցին Վազգեն Սարգսյան շքանշանով՝ միշտ հայոց բանակի կողքին լինելու, Արցախյան պատերազմում մանրակրկիտ կերպով բանակաշինության գործընթացը լուսաբանելու եւ լրատվական դաշտում մեր երկրի սահմանների ամրությունը պահպանելու համար: Հովհաննես Գրիգորյանի խոսքով, պարգեւատրումը հատկապես կարեւոր էր՝ Հայոց բանակի տոնի առիթով: «Եվս մեկ անգամ շնորհավորում եմ մեզ բոլորիս Հայոց բանակի կազմավորման 26-ամյակի կապակցությամբ, բանակ, որը կազմավորվեց եւ գոյատեւեց ձեզ պես քաջ, հայրենասեր մարդկանց շնորհիվ, մեր մահապարտների, ովքեր ամեն գնով պատրաստ էին եւ այսօր էլ պատրաստ են ցույց տալ ոսոխին իր տեղը»,-ասաց նա:

Պարգեւատրումից հետո ակումբում հյուրընկալված մահապարտները, ֆիդայիները, ակումբի ղեկավարի հետ կատարեցին «Հրով լինի, սրով լինի, պիտի գնանք, վաղ թե ուշ» հայրենասիրական երգը:

«Առավոտ»

30.01.2018

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հունվար 2018
Երկ Երե Չոր Հնգ Ուրբ Շաբ Կիր
« Դեկ   Փետ »
1234567
891011121314
15161718192021
22232425262728
293031