Լրահոս
Օրվա լրահոսը

Արմեն Սարգսյան. «Համալսարանն իմ տունն է» (Տեսանյութ)

Հունվար 31,2018 14:58

Հունվարի 31-ին ՀՀ նախագահի թեկնածու Արմեն Սարգսյանը հանդիպեց ԵՊՀ գիտխորհրդի անդամների հետ: Այս հանդիպումը եւս «փակ» էր, կարող էին ներկա գտնվել միայն գիտխորհրդի անդամները:

ԵՊՀ ռեկտոր Արամ Սիմոնյանի հետ մտնելով գիտխորհրդի դահլիճ` Արմեն Սարգսյանը ձեռքով բարեւեց իր ծանոթ դասախոսներից մի քանիսին:

«Բոլորդ շատ լավ ճանաչում եք Արմեն Սարգսյանին: Նա նախագահի կողմից առաջարկվել է որպես Հայաստանի Հանրապետության նախագահի թեկնածու: Այս օրերին բավականին նյութեր կան, հարցազրույցը եղավ Արամ Աբրահամյանի հետ, որոշակի հարցերի պատասխաններ պարոն Սարգսյանն արդեն տվել է: Այսօր էլ կլինեն այնպիսի հարցեր, որոնք սովորաբար համալսարանականները անբռնազբոսիկ ձեւով տալիս են»,-ասաց ԵՊՀՀ ռեկտորը:

Մանրամասները` տեսանյութում

«Ես սկզբունքորեն գիտեմ, թե ինչպես են դիմում Անգլիայում, ԱՄՆ-ում եւ Եվրոպայում` տիկնայք եւ պարոնայք, բայց ես այս պահին իմ շատ սիրելի համալսարանում եմ, որտեղ իմ ընկերներն են: Համալսարանն ինչպես ձեր, այնպես էլ իմ տունն է: Երբ համալսարանի դռնից մի անգամ մտնում ես, հետո եթե հինգ-տասը տարի էլ անցնի, սիրտդ թողնում ես այս շենքի մեջ: Այդ առումով ինձ համար շատ հաճելի է, որ այստեղ եմ գտնվում, եւ դուք տեղյակ եք, որ Հանրապետության նախագահը ինձ առաջարկ է արել, նաեւ ընդունեց, որ ես ժամանակ վերցնեմ մտածելու համար…Որոշում կայացնելուց առաջ ես կարիք ունեմ հանդիպումների եւ մարդկանց հետ զրուցելու»,- ասաց Արմեն Սարգսյանը:

Գոհար ՀԱԿՈԲՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հունվար 2018
Երկ Երե Չոր Հնգ Ուրբ Շաբ Կիր
« Դեկ   Փետ »
1234567
891011121314
15161718192021
22232425262728
293031