Լրահոս
Օրվա լրահոսը

«Համոզված չեմ, որ Ադրբեջանը վերջնականապես զիջման գնաց»

Փետրվար 08,2018 10:21

«Համոզված չեմ, որ Ադրբեջանը վերջնականապես զիջման գնաց: Նա փորձելու է բացառել դիտորդների լայն ներկայությունը շփման գծում»,- «Առավոտ»-ի հետ զրույցում անդրադառնալով այն փաստին, որ հունվարին Կրակովում ՀՀ եւ Ադրբեջանի արտգործնախարարների հանդիպմանը պայմանավորվածություն է ձեռք բերվել յոթ հոգով ավելացնելու Արցախյան հակամարտության շփման գոտում ԵԱՀԿ մշտադիտարկողների թիվը, ասում է Երեւանի մամուլի ակումբի նախագահ Բորիս Նավասարդյանը:

Նա ընդգծում է. «Եթե շփման գծում պարբերաբար լինում են սպանություններ, միջադեպեր, որոնց հետեւանքով նաեւ խաղաղ բնակչությունն է տուժում, շանս չկա, որ երկկողմանի վստահության մթնոլորտ ձեւավորվի: Առանց դրա հնարավոր չէ գտնել խնդրի կարգավորման մոդել: Սա առաջին հարցն է, որը պետք է լուծվի, որպեսզի բանակցային գործընթացը դառնա կառուցողական»: Հաջորդ քայլը, ըստ Նավասարդյանի, ՀՀ-ի եւ Ադրբեջանի քաղաքացիական հասարակության եւ լրագրողների միջեւ շփումների վերականգնումն է.

«Դրանք բարձրացնում են վստահության աստիճանը: Այսօր այդ մթնոլորտի բացակայության պայմաններում դժվար է հաշվարկել, թե ինչպիսի քայլեր պետք է կատարվեն դեպի խաղաղություն: Ցանկացած փոխզիջում կարող է ընկալվել որպես թուլություն: Չկա նաեւ վստահություն, որ պատասխան փոխզիջումային քայլը կլինի: Միայն այն դեպքում, երբ հասարակության մեջ վստահություն ձեւավորվի, այն կփոխանցվի նաեւ որոշում կայացնողներին»:

ԼՈՒԻԶԱ ՍՈՒՔԻԱՍՅԱՆ

«Առավոտ»

08.02.2018

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Փետրվար 2018
Երկ Երե Չոր Հնգ Ուրբ Շաբ Կիր
« Հուն   Մար »
 1234
567891011
12131415161718
19202122232425
262728