«Ժիրայր Սեֆիլյանի եւ մյուսների գործով» առաջիկա դատական նիստը, որն ավանդաբար նախատեսվում էր ուրբաթ՝ փետրվարի 16-ին, չի կայանա: Այս մասին այսօրվա նիստում հայտարարեց դատավոր Տաթեւիկ Գրիգորյանը:
Մինչ այդ ամբաստանյալների պաշտպաններից Արայիկ Պապիկյանը տեղեկացրեց, որ առաջիկա շաբաթում երեք օր գործադուլ է անելու, իր գործընկերները՝ եւս, այդ պատճառով նիստին չեն ներկայանալու:
Ըստ այդմ, դատավորը նկատեց, որ դա իրենց իրավունքն է, ուստի առաջիկա նիստը տեղի կունենա փետրվարի 23-ին՝ ժամը 11:00-ին:
Դատավորը նշեց, որ այս ժամկետը պաշտպանների համար նաեւ հնարավորություն է՝ պաշտպանական ճառը նախապատրաստելու համար, մինչդեռ Ժիրայր Սեֆիլյանի շահերի ներկայացուցիչ Տիգրան Հայրապետյանը պնդեց, որ երկու շաբաթը քիչ է:
Այնուամենայնիվ, դատավորը որոշումը թողեց անփոփոխ՝ ընդգծելով, որ մեղադրող դատախազները մեղադրական ճառ էին պատրաստել ավելի քիչ՝ մեկ շաբաթյա ժամկետում:
Լուիզա ՍՈՒՔԻԱՍՅԱՆ
