Երևան-Մոսկվա չվերթն իրականացնող ուղևորատար Airbus A321-ը օդում բախվել է վառելիքի պակասի խնդրին, հայտնում է rusarminfo.ru-ն՝ հղում կատարելով РЕН ТВ հեռուստաալիքին, որը մեջբերում է ավիադիսպետչերական ծառայությունների իր աղբյուրին:
«Օդանավի հրամանատարը տվել է «Pan-Pan» ահազանգը, որը խորհրդանշում է վթարային իրավիճակի առաջացում, որի ժամանակ ինքնաթիռն ու դրա ուղևորները ենթակա են հստակ վտանգի, սակայն նրանց կյանքին կամ փոխադրամիջոցին ոչինչ չի սպառնում և անհապաղ օգնություն չի պահանջվում», – նշել է աղբյուրը:
Հեռուստաալիքի տեղեկություններով՝ ուղևորատար ինքնաթիռին արտակարգ վայրէջքի հնարավորություն է տրվել:
Ավելի վաղ rusarminfo.ru հայտնել է, որ Երևանից Մոսկվա չվերթ իրականացնող «Аэрофлот» ընկերության օդանավը արտակարգ վայրէջք է կատարել Միներալնիե Վոդիի օդանավակայանում:
