Լրահոս
Օրվա լրահոսը

Ծեծկռտուք Երեւանի ավագանու նիստին (տեսանյութ)

Փետրվար 13,2018 12:11

Քիչ առաջ Երեւանի քաղաքապետարանում ընթացող ավագանու նիստին ծեծկռտուք եղավ: «Երկիր ծիրանի» կուսակցության ավագանու անդամ Մարինա Խաչատրյանը ապակյա տարաներով ինչ-որ հոտավետ նյութ էր բերել, որպեսզի քաղաքապետը եւ ավագանին շնչեն ու պատկերացնեն, թե ինչ օդ են շնչում Նուբարաշեն համայնքի բնակիչները՝ «Նուբարաշեն» ՔԿՀ-ի վնասված կոյուղու պատճառով, որը տարիներ շարունակ չի վերանորոգվում: Միջադեպը տեղի ունեցավ հանկարծակի, երբ Երեւանի ավագանին քննարկում էր մանկապարտեզների վերանորոգման հարցը:

Մինչ այդ «Երկիր ծիրանիի» ավագանու անդամները հագան բժշկական ձեռնոցներ եւ դիմակներ, բաժանեցին նաեւ «Ելքի» անդամներին, որից հետո միանգամից տեղից վեր կացան եւ այդ տարաներով մոտեցան քաղաքապետին ու առջեւում նստած ՀՀԿ-ականներին:

Ապակյա տարաներից մեկը կոտրվեց, հոտը տարածվեց դահլիճով մեկ: Նիստին ներկա տղամարդիկ տեղից վեր թռչելով փորձեցին Մարինա Խաչատրյանին հետ պահել, քաշքշեցին, ձեռքից վերցրին մյուս տարաները եւ հրելով, բղավելով փորձում էին դահլիճից դուրս հանել: Տիկին Խաչատրյանն էլ ընդդիմանում էր: Ապա սկսվեց ծեծկռտուք նրանց միջեւ, ովքեր փորձում էր պաշտպանել Մարինա Խաչատրյանին:

Լուսինե ԲՈՒԴԱՂՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (2)

Պատասխանել

  1. Artur Lazarian says:

    Ռուբէն Հախվերդեանը լաւ է ասել. «Քո իսկական սիրահարները քեզ լքեցին, իմ էրեւան: Անտէր ու դուս մուրացկանները դարձան քեզ տէր ու տիրական» 🙂

    ///

    Բայց ի՜նչ լաւ էին խփում տղամարդիկ 🙂 Երեւի իրենց վերադասից են սովորել. «Ինչքան ուզեմ, էնքան կը խփեմ»: Իսկական հանրապետական: Կեցցե՜ն:

    Որ Արցախի պատերազմը վերսկսուի, առանց վարանելու սրանց կարելի է տանել առաջնագիծ,,

  2. Թատերագետ Տիգրան says:

    Թատերական գործչի հանդեպ խմբակային բռնարարք հեղինակողը և քրեական պատասխանատվությունից վաղեմության ժամկետով ազատվածը մի թատրոնի տնօրեն, մյուսի էլ՝ փոխտնօրեն կլինի, սրանք քաղաքապետարանի աշխատակիցներ չեն լինի?? Ինչ կա զարմանալու???

Պատասխանել Artur Lazarian

Օրացույց
Փետրվար 2018
Երկ Երե Չոր Հնգ Ուրբ Շաբ Կիր
« Հուն   Մար »
 1234
567891011
12131415161718
19202122232425
262728