Փետրվարի 13-17-ը Երեւանում հնարավորւթյուն կունենանք վայելելու մեծանուն լեհ կոմպոզիտոր եւ դիրիժոր Քշիշտոֆ Պենդերեցկու սիմֆոնիկ եւ կամերային ստեղծագործությունները: Աշխարհի տարբեր երկրներում անցկացվող նրա ծննդյան 85-ամյակի միջոցառումները մեկնարկում են Հայաստանից: Պ. Չայկովսկու անվան միջնակարգ մասնագիտական դպրոցում, որտեղ նաեւ ծառ տնկվեց, հայկական արմատներ ունեցող հանրահայտ երաժիշտը նշեց, որ իր համար կարեւոր է հենց Հայաստանում նման փառատոն ունենալը:
Պենդերեցկին ասաց, որ տիկնոջ` Էլժբետա Պենդերեցկայի հետ միշտ սիրով է այցելում Հայաստան, որտեղ զգում է ինչպես իր տանը: Նրա ձեւակերպմամբ՝ մեր երկրում մշտապես հիանալի երաժշտություն է լսում եւ նույնքան հիանալի մարդկանց հանդիպում։ Մաեստրոն ցավում է միայն, որ հայերենին չի տիրապետում։
Գոհար ՀԱԿՈԲՅԱՆ
«Առավոտ»
14.02.2018
Հրաշալի առիթ է մեր ունկնդրողի համար լսել այդ տաղանդավոր երաժշտի գործերը Հայաստանում,
Պիտի խնդրեմ բոլոր լրատվամիջոցները չխնայեն այս մասին լավ տարածել լուրը, որ նույնիսկ մի աթոռ չմնա ազատ:
Պետրոս Շուժունյան
Շնորհակալություն, որ կարդում եմ մեզ, հարգելի պարոն Շուժունյան:Առավոտը՝ հավատարիմ իր սկզբունքներին, մշտապես դասական երաժշտությանը վերաբերող բոլոր իրադարձությունների մասին տեղեկացնում է իր ընթերցողներին:
Հարգանքով՝ Գոհար Հակոբյան