Լրահոս
Օրվա լրահոսը

Մանրամասներ՝ Իրանում տեղի ունեցած օդային աղետի մասին

Փետրվար 18,2018 22:52

Այսօր առավոտյան ցավալի դեպք է տեղի ունեցել Իրանում․ «Ասեման» ավիաընկերության պատկանող ATR տեսակի ինքնաթիռն աղետի է ենթարկվել Թեհրան-Յասուջ չվերթի ժամանակ և զոհվել են բոլոր 65 ուղևորներն ու անձնակազմը․ ինքնաթիռն ընկել է Յասուջի օդանավակայանին մոտենալու ժամանակ բախվելով Դենա լեռան ձյունածածկ ու մառախլապատ բարձրունքներին։ Փրկարարները դեռ չեն կարողանում մոտենալ աղետի վայրին։

Իտալա-ֆրանսիական Avions de transport regional (ATR) մակնիշի ինքնաթիռն եղել է 1993 թվականի արտադրանք և իրանցի պաշտոնյաների հավաստմամբ տեխնիկական խնդիր չի ունեցել։ Մասնագետները ենթադրում են, որ աղետը պատահել է եղանակային վատ պայմանների և Յասուջի օդանավակայանի անհարմար դիրքի պատճառով։ Իրանը տասնամյակներ է, որ միջազգային պատժամիջոցների պատճառով չի կարողանում օդանավային իր պարկը թարմացնել։

ՀՀ նախագահն այս առթիվ ցավակցական հեռագիր է հղել իրանցի իր պաշտոնակցին․ ցավակցական հեռագիր են հղել նաև Ամենայն հայոց կաթողիկոսը և ՀՀ վարչապետը։ Վշտակցում ենք զոհվածների ընտանիքներին և Իրանի ժողովրդին:

Տիգրան ԴԱՎԹՅԱՆ

Լուսանկարները՝ արխիվային

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Փետրվար 2018
Երկ Երե Չոր Հնգ Ուրբ Շաբ Կիր
« Հուն   Մար »
 1234
567891011
12131415161718
19202122232425
262728