Լրահոս
Օրվա լրահոսը

Կապանում 3 հոգու ծեծի հետեւանքով մահացել է Վալերիկ Մանուչարյանը

Փետրվար 19,2018 10:38

Երեկ հիվանդանոցից ոստիկանության Կապանի բաժին հաղորդում է ստացվել, որ շտապօգնության խումբը մեկնել է Կապան քաղաքի Շահումյան փողոց, որտեղ հայտնաբերել է մի տղամարդու դիակ:

ՀՀ ոստիկանությունը հաղորդում է, որ մեկնած օպերատիվ խումբը հայտնաբերել է տղամարդու դիակ՝ բռնության հետքերով: Ոստիկանության ծառայողները պարզել են, որ մահացածը Քաջարան քաղաքի բնակիչ, 1965 թ. ծնված Վալերիկ Մանուչարյանն էր, որին, նախնական տեղեկություններով, 3 հոգի ծեծի են ենթարկել:

Ոստիկանության տարբեր ստորաբաժանումների համագործակցված աշխատանքի շնորհիվ, նշված հանցագործությունը կատարելու կասկածանքով, Բագրատաշենի անցակետից ոստիկանության Կապանի բաժին բերման են ենթարկվել 1995 թ. ծնված Մ. Մ.-ն, 1974 թ. ծնված Ս. Կ.-ն և 1984 թ. ծնված Ա. Հ.-ն:

Shamshyan.com-ը մանրամասնում է, որ Հայաստանը լքելու պահին բռնվել են Կապան քաղաքի բնակիչներ, 23-ամյա Մհեր Մանուչարյանը, 44-ամյա Սասուն Կարապետյանը և 34-ամյա Արտաշես Հակոբյանը. «Կասկածյալ Ս. Կարապետյանը, կասկածյալ Մհեր Մանուչարյանի քեռին է: Վերջինս էլ մահացած Վ. Մանուչարյանի եղբոր տղան է»:

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Փետրվար 2018
Երկ Երե Չոր Հնգ Ուրբ Շաբ Կիր
« Հուն   Մար »
 1234
567891011
12131415161718
19202122232425
262728