Լրահոս
Օրվա լրահոսը

Ժողովական հայրերը ցաւով անդրադարձան, թէ Սեպուհ Արքեպիսկոպոս Չուլճեանը ունեցած է վիրաւորական ու անարգական արտայայտութիւններ

Փետրվար 20,2018 17:18

Աթոռոյս Պատկառելի Կրօնական Ժողովը 19 Փետրուար 2018, Երկուշաբթի, գումարուեցաւ նախագահութեամբ Պատրիարքական Ընդհանուր Փոխանորդ Բարձր. Տ. Արամ Արքեպիսկոպոս Աթէշեանի։ Յատենի ժողովոյ քննարկուեցան ընթացիկ հարցեր, նաեւ Գուգարաց Թեմի Առաջնորդ Գերշ. Տ. Սեպուհ Արքեպիսկոպոս Չուլճեանի մամլոյ միջոցաւ ըրած յայտարարութիւնը ի մասին Պատրիարքական Աթոռի հետ առընչուած վերջին իրադարձութիւններու։

Ժողովական հայրերը ցաւով անդրադարձան, թէ Սրբազան Հայրը անդրանցելով քննադատութեան սահմանները, ունեցած է վիրաւորական ու անարգական արտայայտութիւններ։

Միշտ ընդունելի են առողջ քննադատութիւնները որքան որ ալ ծանր ըլլան անոնք։ Սակայն երբեք ընդունելի չեն անիրաւ ու անարդար պարսաւանքներ՝ համազօր լուտանքի։ Արտօնելի չեն երբեք Աթոռի մը բարձրագոյն իշխանութեան հասցէագրել տողեր, որոնք ոտնակոխ կ՚ընեն նրբանկատութեան, քաղաքավարութեան եւ ազնուութեան սկզբունքները։ Սրբազան Հայրը առանց անձնապէս հետաքրքրուելու եւ պատշաճ բացատրութիւններ լսելու իրադարձութեանց եւ զգայնութեանց մասին, դժբախտաբար հեռուէն որդեգրած է ամբոխավար կեցուածք։

Մեր մատեաններուն մէջ արձանագրուած են Կրօնական Ժողովի կեցուածքին մասին իր կողմէ արտայայտուած «անսկզբունքային եւ անարժանապատիւ» որակումը, որ նկատուած է անընդունելի եւ պախարակելի։

Այնպէս կը տեսնուի, թէ Գերաշնորհ Սրբազան Հայրը չէ հասկցած մեր Զեկոյցին մէջ տեղ գտած «Պատրիարքական ընտրութիւնը կը կատարուի եւ կը վերջանայ Եկեղեցւոյ եւ Պետութեան համակամ ընթացքով» նախադասութիւնը։ Կրօնական Ժողովը միշտ նկատի ունենալով մեր երկրի առկայ եւ հասկնալի զգայնութիւնները՝ շարժած է ըստ այդմ։ Ուստի հրապարակուած զեկոյցը, որ կը ցոլացնէ այդ կեցուածքը՝ պէտք է արժեւորել իր ամբողջութեանը մէջ։

Մեծ Պահոց այս նուիրական շրջանին մեզի համար հոգեւոր ուրախութեան առիթ պիտի ըլլայ լսել Սրբազան Հօր շինիչ արտայայտութիւնները, պսակուած սրտաբուխ աղօթքի բառերով եւ մաղթանքներով։

ԴԻՒԱՆ ԿՐՕՆԱԿԱՆ ԺՈՂՈՎԻ

19 Փետ­րուար 2018

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Փետրվար 2018
Երկ Երե Չոր Հնգ Ուրբ Շաբ Կիր
« Հուն   Մար »
 1234
567891011
12131415161718
19202122232425
262728