ՕԵԿ այսօրվա համագումարում կուսակցության նախագահ Արթուր Բաղդասարյանն անդրադարձավ նաեւ Հայաստանի անվտանգությանը սպառնացող խնդիրներին: «Իսկապես, տարածաշրջանում բարդագույն իրավիճակ է՝ Ադրբեջանի մոլագար կեցվածքը, նրա առաջնորդների ոչ ադեկվատ գործողությունները…մենք դրանք տեսել ենք ապրիլյան պատերազմում: Անվտանգության սպառնալիքը չոքել է մեր երկրի դռանը»,-հայտարարեց նա: Բաղդասարյանի խոսքով՝ աղմուկի չարժանացավ այն փաստը, որ վերջերս գործարկվեց Ադրբեջան-Իրան երկաթուղին, որի միջոցով Ադրբեջանից բեռները հասնում են Ռուսաստան. «Ադրբեջան-Ռուսաստան ցամաքային կապի առկայությունը մեր երկրի մեկուսացմանն ուղղված հերթական ցավալի ակտն է: Հայաստանը տարիներ հետո ավելի ծանր է զգալու սրա հետեւանքները»:
https://www.youtube.com/watch?v=6oYInYcrIS4
Բաղդասարյանի խոսքով՝ Վրաստան-Թուրքիա-Ադրբեջան երկաթգծի կառուցումը եւ շահագործումը եւս ուղղված է ՀՀ մեկուսացմանը. «Մեր երկիրը մի քանի տարի հետո ավելի լուրջ է զգալու սրա հետեւանքները»:
Կուսակցության անդամներից Մհեր Շահգելդյանն էլ ելույթում մատնանշեց. «Հնարավոր է պատերազմ, այս պայմաններում մեր երկիրը պետք է պատրաստ լինի: Ահաբեկչական կազմակերպությունները մոտենում են ՀՀ սահմանին»:
Լուիզա ՍՈՒՔԻԱՍՅԱՆ
Ես կարծում էի , որ դուք ընդմիշտ պիտի լռեիք ,բայց.. նորից խոսում եք.. ամոթ է: