Արցախյան շարժման 30-ամյակի առթիվ «Մերոնք»-ը պարբերաբար կներկայացնի թե´ Հայաստանի, թե´ Արցախի այն նվիրյալներին, ովքեր կանգնած էին շարժման ակունքներում, ովքեր կերտեցին մեր հաղթանակները: Այդ տղերքի մասին պետք է խոսել ամեն օր, ամեն ժամ, ամեն պատեհ ու անպատեհ առիթներին: Նրանց նվիրումն ու սխրանքները չհիշելը, չմեծարելը, սերունդներին չփոխանցելը՝ կնշանակի ապահովել վաղվա կործանումն ու կորուստները:
«Ղարաբաղ» կոմիտեի անդամ Աշոտ Մանուչարյանը, չնայած երիտասարդ տարիքին, 88-ին, հիրավի հմտորեն կարողացավ ուժերի ներածն ու չներածն անել՝ հանուն մեր անկախ պետականության ծնունդի:
Մանուչարյանի հետ հարցազրույցը, երկուսիս ցանկությամբ, տեղի ունեցավ Եռաբլուրում հանգչող ազատամարտիկների շիրիմների կողքին: Նրանցից շատերին, Աշոտ Մանուչարյանից լավ, եթե կարելի է այդպես ասել, գուցե որևէ մեկը չի ճանաչել: Նա տղերքի կողքին է եղել, նրանց հոգսերին ու մտահոգություններին տեղյակ, թե´ շարժման տարիներին, թե´ դրանից հետո:
Մանրամասները՝ տեսանյութում:
Սուրեն ՍԱՐԳՍՅԱՆ
