«Եթե որևէ հարց չի բացահայտվում Մարտի 1-ով դա շոուի մաս է, ուրիշ ակնկալիք էլ չկար»,- «Մեդիա կենտրոն»-ում լրագրողների հետ հանդիպման ընթացքում, անդրադառնալով 2008 թվականի մարտի 1-2-ի վերաբերյալ հայտարարության նախագիծը ԱԺ լիագումար նիստի օրակարգ ընդունելու հանգամանքին, ասաց «Մարտի 1» հասարակական կազմակերպության համակարգող Առաքել Սեմիրջյանը:
Նա հավելեց, որ գիտակցելով, որ այդ ամենը արված է սլաքներ ցրելու համար, ինքը պատրաստ է մասնակցել այդ շոուին, մի պատճառով՝ որ մարդիկ չմոռանան Մարտի 1-ը և վերադարձնել իրական հարթություն:
Առաքել Սեմիրջյանը անդրադարձավ նաև հայտարարությանը. «Հայտարարությունը ի՞նչ է, ուզում եք 670 հատ հայտարարություն անեմ ու նիստի օրակարգ ընդունեմ, այդտեղ որևէ քաղաքական կամ իրավական բան չկա: Հայտարարությունը ընդունվել է նիստի օրակարգ, դա ընդհանրապես ծիծաղելու բան է: Բայց մեր խնդիրն էլ այն է, որ երբեք մոռացության չմատնվի, այդ հարցը ամեն վայրկյան տաք պահվի և փորձվի շոուն վերադարձնել իրականություն»:
Ամի ՉԻՉԱԿՅԱՆ
Լուսանկարը՝ «Մեդիա» կենտրոնի
