Լրահոս
Օրվա լրահոսը

Թրամփը հեռացրել է Թիլերսոնին պետքարտուղարի պաշտոնից

Մարտ 13,2018 17:43

ԱՄՆ նախագահ Դոնալդ Թրամփը հայտարարել է, որ հեռացրել է Ռեքս Թիլերսոնին պետքարտուղարից պաշտոնից: Նրա տեղը կզբաղեցնի ԿՀՎ ղեկավար Մայք Պոմպեոն:

Twitter-ի իր միկրոբլոգում Թրամփը շնորհակալություն է հայտնել Թիլերսոնին և վստահություն հայտնել, որ նոր պաշտոնում Պոմպեոն «ֆանտաստիկ աշխատանք կկատարի»:

Կենտրոնական հետախուզության վարչության ղեկավար կնշանակվի Ջինա Հասփելը, որը կդառնա ԿՀՎ-ն գլխավորած առաջին կինը: Մինչ այս նա զբաղեցնում էր Պոմպեոյի տեղակալի պաշտոնը:

Ռեքս Թիլերսոնը ԱՄՆ պետքարտուղարի պաշտոնը զբաղեցնում էր անցյալ տարվա փետրվարից:

Ավելի վաղ ամերիկյան մամուլում տեղեկություններ էին տարածվել, որ Թրամփը հիասթափված է Թիլերսոնի աշխատանքից, իսկ վերջինս էլ պատրաստ է հրաժարվել այդ պաշտոնից: Մասնավորապես, Թիլերսոնը հակասություններ ուներ Թրամփի հետ՝ մի շարք հարցերի, այդ թվում «Աֆղանստանում զինծառայողների քանակի, Կատարի և Կուբայի շրջափակման» շուրջ:

 

Պատրաստեց՝ Վիկտորյա ԱՆԴՐԵԱՍՅԱՆԸ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մարտ 2018
Երկ Երե Չոր Հնգ Ուրբ Շաբ Կիր
« Փետ   Ապր »
 1234
567891011
12131415161718
19202122232425
262728293031