Անահայմում անցկացված ծանրամարտի 2017 թվականի աշխարհի առաջնության կանանց պայքարում արծաթե մեդալ նվաճել է Նոր Զելանդիան ներկայացրած Լորել Հաբբարդը:
Սակայն ԶԼՄ-ները տեղեկացնում են, թե նա ընդամենը չորս տարի առաջ տղամարդ էր՝ Գեվին Հաբբարդ անունով: Ընդ որում, երբ դեռ Գեվին էր, նրա հետ լուրջ հույսեր էին կապվում: Գեվին Հաբբարդը նույնիսկ Նոր Զելանդիայի ռեկորդ է սահմանել երկամարտի 300 կգ արդյունքով:
Պարզվում է, որ սեռը փոխելուց հետո Գեվինը կատարել է տրանսգենդերներին ներկայացվող ՄՕԿ-ի բոլոր պահանջները, դարձել է Լորել եւ ֆորմալ առումով կանոններ չի խախտել:
Ավելին, նա կարող է պայքարել նաեւ 2020 թ. օլիմպիական խաղերին մասնակցելու իրավունքի համար: ՄՕԿ-ը դա թույլ է տալիս, սակայն ունի մի խիստ սահմանափակում: Մարզիկները սեռը կարող են փոխել քառամյակն ընդամենը մեկ անգամ:
Աշոտ ՀԱԿՈԲՅԱՆ
