Լրահոս
Օրվա լրահոսը

Զորականի վարչական ղեկավարի խնդիրը եւ Տավուշի մարզպետի այցը

Մարտ 15,2018 19:01

Նոյեմբերյանի տարածաշրջանի Զորական գյուղում բնակվում են Դաշտային Ղարաբաղի Շամխորի շրջանի Չարդախլու գյուղից վերաբնակվածները: Չարդախլուից են սերում մարշալներ Հովհաննես Բաղրամյանը եւ Համազասպ Բաբաջանյանը: Զորականի կենտրոնում նրանց նվիրված հուշակոթող է հառնում: Զորականը 2016թ.-ից խոշորացված Կողբ համայնքի մաս է կազմում:

Զորականցիները ցանկացել են այսօր`մարտի 15-ին փակել իրենց գյուղով ձգվող միջպետական ավտոճանապարհը: Նրանք դժգոհ են, որ Կողբ համայնքի ղեկավար Արսեն Աղաբաբյանի հրամանով այս տարվա հունվարի 31-ին Զորականի վարչական ղեկավար,նախկինում Զորական համայնքի ղեկավար Սուրեն Մարտիրոսյանը ազատվել է աշխատանքից: Տավուշի մարզպետ Հովիկ Աբովյանը զորականցիներին հորդորել է ճանապարհ չփակել, ժամանելով Զորական`համայնքային կենտրոնի շենքում հանդիպել է զորականցիների հետ, լսել նրանց:

Կողբ համայնքի ղեկավար Արսեն Աղաբաբյանն ասաց, որ Սուրեն Մարտիրոսյանին ազատել է աշխատանքից,քանի որ նա լավ չէր աշխատում: Նա ասաց, որ Զորականի վարչական ղեկավար է նշանակվել այդ գյուղի բնակիչ Կոլյա Քոչարյանը:

Ա. Աղաբաբյանը հայտնեց նաեւ, որ վարչական ղեկավարի պաշտոնից ազատվելու որոշումից դժգոհելով` Սուրեն Մարտիրոսյանը հայցով դիմել է ՀՀ վարչական դատարան:

Ոսկան ՍԱՐԳՍՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (1)

Պատասխանել

  1. Հասմիկ Աբովյան says:

    Շատ լավ սցենար են կազմակերպել, Տավուշի մարզպետ Հովիկ Աբովյան արդեն երեք ամսից ավել է ինչ փորձում է ճանապարհ փակել, բայց չի ստացվում։ Հերթական անգամ ձախողվելուց հետո, իբր հանդիպում է կազմակերպել, միանշանակ բոլորիս էլ քաջ ծանոթ է, որ մարզպետը չի տիրապետում մարզի խնդիրներին։

Պատասխանել

Ամենաընթերցված

Օրացույց
Մարտ 2018
Երկ Երե Չոր Հնգ Ուրբ Շաբ Կիր
« Փետ   Ապր »
 1234
567891011
12131415161718
19202122232425
262728293031