Լրահոս
Օրվա լրահոսը

«Այո, գնում ենք դեպի ծերացող երկիր». Հովհաննես Սահակյան

Մարտ 16,2018 15:15

«Առաջիկա յոթ տարիների ընթացքում կենսաթոշակառուների թիվը միտում ունի աճելու. ժողովրդագրական տվյալները դա են ցույց տալիս»,- «Արմենպրես» լրատվական գործակալության մամուլի սրահում լրագրողների հետ հանդիպմանը հայտարարեց ՀՀ աշխատանքի և սոցիալական հարցերի նախարարության սոցիալական ապահովության պետական ծառայության պետ Հովհաննես Սահակյանը:

Հարցին՝ արդյոք սա նշանակո՞ւմ է, որ ծերացող երկիր ենք, պարոն Սահակյանը պատասխանեց. «Այո, գնում ենք դեպի ծերացող երկիր: Ժողովրդագրությունն է բայց սա հուշում: Կենսաթոշակառուների թիվը աճման միտում ունի նաև այն պատճառով, որ մեր բնակչությունը 80-90-ականների սկզբին աճ էր գրանցում»:

Պարոն Սահակյանը ներկայացրեց վիճակագրական տվյալներ. մարտի 1-ի դրությամբ ՀՀ-ում կան 446249 կենսաթոշակառուներ և 62915 նպաստառուներ:

Հովհաննես Սահակյանը նաև տեղեկացրեց, որ ուսումնասիրություններ են իրականացրել 26 գործատուների մոտ. «Արդյունքում 690 գործերով նվազեցվել է ոչ հավաստի տվյալներ պարունակող փաստաթղթերի հիման վրա հաշվարկված ընդհանուր թվով 5138 տարվա աշխատանքային ստաժ: Ընդհանուր գումարն է մոտ 54 միլիոն դրամ»:

Հովհաննես Սահակյանը վստահեցրեց՝ կեղծ ստաժով կենսաթոշակ ստանալու դեպքերը կբացառվեն. «Պիտի հասնենք նրան, որ այն քաղաքացիները, որոնք ազնվորեն աշխատում են, ստանան իրենց կենսաթոշակի չափով գումարը, չաշխատածները կեղծիքի միջոցով ավելի գումար չստանան»:

Նա հստակեցրեց՝ այն մարդկանց մասին չէ խոսքը, որոնք աշխատել և հարկադիր պարապուրդի մեջ են եղել, այլ այն մարդկանց մասին, որոնք ակնհայտ կերպով օգտագործելով իրենց ձեռքերում դեռ պահպանվող կնիքները 90-ականների գործարանների՝ լրացնում են աշխատանքային գրքույկներ, ստաժ, տարի, կնքում են և գնում մութ գործարքների: Վաղ թե ուշ դա բացահայտվում է»:

Տաթև ՀԱՐՈՒԹՅՈՒՆՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մարտ 2018
Երկ Երե Չոր Հնգ Ուրբ Շաբ Կիր
« Փետ   Ապր »
 1234
567891011
12131415161718
19202122232425
262728293031