Լրահոս
Օրվա լրահոսը

Դավիթ Սանասարյանը Նիկոլ Փաշինյանին եւ Զարուհի Փոստանջյանին միասնության կոչ արեց

Մարտ 16,2018 21:02

«Տարաձայնությունները կդնենք մի կողմ եւ ժողովրդին ցույց կտանք միասնությունը»,- Ազատության հրապարակում ի հիշատակ «Հաց բերողի» կազմակերպված հանրահավաքում այսօր դիմելով «Քաղաքացիական պայմանագիր» կուսակցության ղեկավար Նիկոլ Փաշինյանի եւ «Երկիր Ծիրանի» կուսակցության ղեկավար Զարուհի Փոստանջյանին` ասաց Դավիթ Սանասարյանը: «Սա անհրաժեշտություն է»,- ասաց ու խնդրանքով դիմեց հանրահավաքին, քաղաքացու կարգավիճակով մասնակցող Նիկոլ Փաշինյանին. «Եկեք միասնական օրակարգ ձեւավորենք: Չեմ ասում`եկեք մեր հանրահավաքին մասնակցեք, կամ մենք գանք ձերին մասնակցենք»: Ասում է`ժողովուրդը հոգնել է ճառերից, գործ է ուզում: Դիմեց հենց Զարուհի Փոստանջյանին եւ Նիկոլ Փաշինյանին, քանի որ նրանք են հայտարարել համակարգի դեմ պայքարելու իրենց ցանկության մասին: «Կշեռքի մի կողմում Սերժ Սարգսյանի եւ ռեժիմի վերարտադրությունն է, մյուս կողմում`ազատ ապրելու եւ պետություն ձեւավորելու ցանկությունը:

«Եկեք միավորվենք, խփենք նույն կետին, ճաք տանք ռեժիմը»,- ասաց Դավիթ Սանասարյանը:

Այնուհետ հավաքվածները երթ անցկացրեցին: Երթը կընթանա Հյուսիսային պողոտա-Աբովյան փողոց- Հանրապետության հրապարակ- Վազգեն Սարգսյան փողոց, ապա Մաշտոցի պողոտայով կվերադառնան Ազատության հրապարակ:

Հաջորդ հանրահավաքը կկայանա հաջորդ ուրբաթ օրը՝ 18. 30-ին, Ազատության հրապարակում: «Հույս ունեք, հաջորդ հանրահավաքում միասնական հանրահավաքի կոչ կլսենք»,- ասաց Դավիթ Սանասարյանը:

Նելլի ԳՐԻԳՈՐՅԱՆ

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մարտ 2018
Երկ Երե Չոր Հնգ Ուրբ Շաբ Կիր
« Փետ   Ապր »
 1234
567891011
12131415161718
19202122232425
262728293031