Լրահոս
Օրվա լրահոսը

Սեֆիլյանն առաջին անգամ բացահայտեց, որ իրեն սպառնացել են սպանել, ու հրապարակեց սպառնալիքը փոխանցողի անունը (Տեսանյութ)

Մարտ 17,2018 12:57

«Իմ խոսքն ուղղված չէ Սերժ Սարգսյանի գործին, այլ ժողովրդին եւ միջազգային հանրությանը: Անիմաստ կլիներ, եթե ես հանդես գայի պաշտպանական խոսքով: Ուղղակի առիթն օգտագործեմ ու խոսեմ այն մասին, թե ինչու ենք մենք այստեղ: Դատավարության անվան տակ իրականացվող այս գործընթացը հաշվեհարդար է: Ականատես եղանք բեմականացում հիշեցնող միջոցառման, որտեղ հնչած մեղադրական կողմի դատարկաբանությունը հեքիաթ է»,-«Ժիրայր Սեֆիլյանի եւ մյուսների» գործով դատական նիստում այսպիսի բովանդակությամբ պաշտպանական ճառով հանդես եկավ ամբաստանյալ Ժիրայր Սեֆիլյանը: Նրա խոսքը փաստաբան Արայիկ Պապիկյանն էր ընթերցում:

Սեֆիլյանն իր հայտարարության մեջ մասնավորապես շետել է. «Իրականում բացահայտ քաղաքական հալածանք եւ բռնություն է տեղի ունենում, պատվիրողը եւ կատարածուն էլ դատավորն ու դատախազներն են: Իմ պաշտպանները բազմիցս հմտորեն դիմակազերծեցին այս «վայ-արդարադատությունը»:

Սեֆիլյանը հիշեցրել է, որ 2016 թ. իրեն սպառնացել են. «Քննիչն ասաց՝ եթե չդադարեցնեք ձեր քաղաքական գործունեությունը, կհայտնվեք ճաղերի ետեւում»:

Հետո ազատամարտիկն իր խոսքում նշել է, որ իրեն ֆիզիկապես ոչնչացնելու սպառնալիք էլ են տվել ու այդ մասին նա առաջին անգամ է բարձրաձայնում:

Սեֆիլյանի խոսքում ասվում է. «Ինձ փոխանցել են սպառնալիքը՝ «դադարեցրու քաղաքական գործունեությունդ, եթե ոչ, ռուսները որոշել են սպանել քեզ»: Ես պատասխանել եմ զեկուցեք ձեր ղեկավարությանը, որ մենք մեր հողում ենք, Հայաստանն էլ տեր ունի»: Ժիրայր Սեֆիլյանը նշել է, որ սպառնալիքը փոխանցող միջնորդը եղել է ռազմական փորձագետ Հայկ Նահապետյանը:

Սեֆիլյանի խոսքով՝ սպառնալիքի հստակ աղբյուրը ճշտել հնարավոր չէ, բայց ակունքը կրեմլյան համակարգն է. «Այդ սպառնալիքը ես ստացել եմ ռուս հայտնի ընդդիմադիր գործիչ Բորիս Նեմցովի սպանությունից մեկ-երկու օր անց»:

Լուիզա ՍՈՒՔԻԱՍՅԱՆ

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (1)

Պատասխանել

  1. Hayk says:

    «Սուտ, կեղծիք եւ զրպարտություն է». Հայկ Նահապետյանն արձագանքում է Ժիրայր Սեֆիլյանի մեղադրանքներին
    https://www.iravunk.com/news/52791

Պատասխանել

Օրացույց
Մարտ 2018
Երկ Երե Չոր Հնգ Ուրբ Շաբ Կիր
« Փետ   Ապր »
 1234
567891011
12131415161718
19202122232425
262728293031