Այսօր Արթիկում կայացած «Արթիկ»-ՖԻՄԱ հանդիպումով մեկնարկեց բասկետբոլի «Ա» լիգայի կիսաեզրափակիչ փուլը, իսկ երեկոյան ԿԱ ՊԵԿ մարզահամալիրում ուժերը կչափեն «Ուրարտուն» եւ «Արցախը»:
Կիսաեզրափակիչն անցկացվելու է մինչեւ երկու հաղթանակ սկզբունքով:
Արթիկի մարզադպրոցում կայացած առաջին խաղում տանտերերը 111:87 հաշվով համոզիչ հաղթանակ տարան: Հանդիպման ամենաարդյունավետ խաղացող ճանաչվեց Անդրեյ Կոնստանտինովը («Արթիկ»): Նա վաստակեց 50 միավոր:
Այս հանդիպման գլխավոր մրցավարը ՀՀ սպորտի եւ երիտասարդության հարցերի նախարար, ՀԱՕԿ գլխավոր քարտուղար, Հայաստանի բասկետբոլի ֆեդերացիայի նախագահ, միջազգային կարգի մրցավար Հրաչյա Ռոստոմյանն էր:
Աշոտ ՀԱԿՈԲՅԱՆ
