Լրահոս
Օրվա լրահոսը

ՌԴ-ում նախագահ են ընտրում. Ուկրաինայի որոշ քաղաքներում ռուսներին թույլ չեն տալիս մասնակցել քվեարկությանը

Մարտ 18,2018 14:03

Այսօր Ռուսաստանի Դաշնությունում նախագահական ընտրություններ են:

Ռուսական մի շարք լրատվամիջոցներ հայտնում են, որ  Կիեւոմ, Օդեսայում եւ Լվովում ռուս քաղաքացիներին թույլ չեն տալիս մասնակցել քվեարկությանը:

Լվովում ուժայինները ցանկապատել են ՌԴ-ի հյուպատոսությունը, որտեղ ընտրական տեղամաս է գտնվում: Իրավապահները հայտնել են, որ այս ընտրատեղամաս թույլ են տալիս մտնել հյուպատոսության աշխատակիցներին: Հյուպատոսության մոտ «Ազգային կորպուս» շարժման ներկայացուցիչները վրաններ ու բարելներ են տեղադրել:

ԶԼՄ-ները հայտնում են, որ նախօրեին Ուկրաինայի ներքին գործերի նախարարությունը տեղեկացրել է՝ մարտի 18-ին ոստիկանները թույլ չեն տալու ռուսներին մտնել դիվանագիտական կառույցների շենքեր՝ քվեարկության համար, քանի որ Ուկրաինան ՌԴ ընտրությունները համարում է անօրինական՝ կապված Ղրիմի խնդրի հետ: ՌԴ-ն իր հերթին Ուկրաինայի այս վարքագիծը համարում է միջամտություն այլ պետության գործերին:

ԵԱՀԿ գրասենյակն, ըստ ՌԴ-ի ԿԸՀ-ի, կոչ է արել Ուկրաինային պահպանել ռուս քաղաքացիների ընտրական իրավունքը:

Ռուսական լրատվամիջոցներից՝ tvrain.ru-ն հայտնում է՝ ՌԴ-ի իշխանությունները, ինչպես սպասվում էր, ընտրատեղամասերում տոնական մթնոլորտ են ստեղծել: Ըստ նույն աղբյուրի՝ ընտրական տեղամասերում հնչում է ուրախ եւ հայրենասիրական երաժշտություն: Աղբյուրի փոխանցմամբ՝ մռայլ դեմքերով տասնյակ մարդիկ առավոտյան ժամը 8.00-ից կազմակերպված ձեւով գնում են քվեարկության:

Առավոտից ընտրական տեղամասերում մարդկանց կուտակումներ են, անգամ ընտրատեղամասից դուրս՝ փողոցներում հերթեր են: Ըստ նշված լրատվամիջոցի՝ դիտորդները փոխանցում են, որ բազմության ընտրատեղամասեր են այցելում հատկապես այլ քաղաքի բնակիչները՝ բնակության վայրի հաշվառման կտրոններով:

Հայտնում են, որ ընտրատեղամսերից մեկում առավոտից մեծ թվով զինվորականներ են այցելել՝ քվեարկելու: Մեկ այլ ընտրական տեղամասում էլ պետական հատվածի աշխատակիցը դիտորդին հայտնել է, որ իրեն ասել են, եթե չմասնակցի ընտրություններին, աշխատավարձից կզրկեն:

Պատրաստեց՝ Նելլի ԲԱԲԱՅԱՆԸ 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մարտ 2018
Երկ Երե Չոր Հնգ Ուրբ Շաբ Կիր
« Փետ   Ապր »
 1234
567891011
12131415161718
19202122232425
262728293031