Բռնցքամարտի Հայաստանի ազգային հավաքականի 17 թեկնածուներ «Օլիմպավանում» ուսումնամարզական հավաք են անցկացնում: Նրանք նախապատրաստվում են մարտի 25-ից ապրիլի 1-ը Ռումինիայի Թարգուջի քաղաքում կայանալիք Եվրոպայի 18-22 տարեկանների առաջնությանը:
ՀԲՖ-ն տեղեկացնում է, որ ազգային հավաքականի գլխավոր մարզիչ Դավիթ Թորոսյանն արդեն կողմնորոշվել է Ռումինիա մեկնող թիմի կազմի ընտրության հարցում: Եվրոպայի առաջնությունում հանդես կգան. 52 կգ քաշային կարգ՝ Վահե Բադալյան, 56 կգ՝ Էրիկ Պետրոսյան, 60 կգ՝ Հրայր Շահվերդյան, 69 կգ՝ Գառնիկ Պապիկյան, 75 կգ՝ Համբարձում Հակոբյան, 91 կգ՝ Նարեկ Մանասյան, գերծանր քաշային կարգ՝ Գուրգեն Հովհաննիսյան:
Աշոտ ՀԱԿՈԲՅԱՆ
