Լրահոս
Օրվա լրահոսը

Հողի հարկի գծով արտոնություն՝ «Թումո» կենտրոնի համար

Մարտ 19,2018 16:45

Երևանի ավագանու 3-րդ նստաշրջանի 2-րդ նիստում, որը վարել է քաղաքապետ Տարոն Մարգարյանը, ավագանու քննարկմանն է ներկայացվել մայրաքաղաքի Հալաբյան փողոցի հ.2 հասցեում Թումանյանի անվան զբոսայգու զբաղեցրած հողամասի մասով «Սիմոնյան» կրթական հիմնադրամին ընթացիկ տարվա համար հողի հարկի գծով արտոնություն տրամադրելու մասին որոշման նախագիծը:

Երևանի քաղաքապետարանի աշխատակազմի եկամուտների հաշվառման և գանձման վարչության պետ Արմեն Հարությունյանը սույն որոշման ընդունման անհրաժեշտությունը հիմնավորել է կրթական հիմնադրամի կողմից ինչպես նախկինում, այնպես էլ 2017թ. զբոսայգում մեծածավալ բարեկարգման և այգու պահպանման ուղղությամբ կատարված աշխատանքներով, ինչպես նաև հաշվի առնելով տվյալ տարածքում «Սիմոնյան» կրթական հիմնադրամի «Թումո» կենտրոնի կողմից իրականացվող կրթական ծրագրերի դերն ու նշանակությունը:

Հաշվի առնելով վերոնշյալ հիմնավորումը` Երևանի ավագանին ընդունել է «Սիմոնյան» կրթական հիմնադրամին հողի հարկի գծով արտոնություն տրամադրելու մասին որոշումը:

Երևանի քաղաքապետարանի մամլո հաղորդագրություն

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մարտ 2018
Երկ Երե Չոր Հնգ Ուրբ Շաբ Կիր
« Փետ   Ապր »
 1234
567891011
12131415161718
19202122232425
262728293031