«Օրենքն անցած է»,- Aravot.am-ի հարցին՝ այն, որ Կրթության մասին ՀՀ օրենքը հետ ուղարկվեց, այդտեղ կա՞ր նաև բուհերի ռեկտորների դերակատարությունը, այսպես պատասխանեց ՀՀ ԿԳ նախարար Լևոն Մկրտչյանը:
Մանրամասնելով՝ նախարարն ասաց. «Օրենքը հետ չուղարկվեց, այն ընդգրկված է ապրիլի 10-ի օրակարգ: Քանի որ քննարկվելու խնդիր կար, առաջինից երկրորդ ընթերցման ժամանակ էր պետք, որ աշխատեինք, ուստի դրեցին հերթական օրակարգ: Անցած է, որևէ խնդիր չկա. օրենքը հանձնաժողովում անցած է»:
Հիշեցմանը՝ Շիրակի պետական համալսարանում դասախոսները պատրաստվում են դիմել դատախազություն, ճնշումներ են գործադրվում դեկանների վրա, պարոն Մկրտչյանն արձագանքեց. «Շաբաթ օրը ժամը երկուսին մեծ խորհրդի նիստն է՝ գիտխորհրդի հետ. միասին կնայենք՝ որն աշխատանքային հարաբերություն է, աշխատանքային ձևաչափով կկարգավորենք, կլսենք նաև ուսանողների բողոքները: Շաբաթ օրը կգնանք, բոլորս միասին կնայենք»:
Տաթև ՀԱՐՈՒԹՅՈՒՆՅԱՆ
