Լրահոս
Օրվա լրահոսը

Գազի ի՞նչ սակագինն է Հայաստանի համար մրցունակ

Մարտ 21,2018 16:58

Հայաստանը գազի հարցով քննարկումներ է իրականացնում Իրանի ու Թուրքմենստանի հետ, բայց դեռեւս մրցունակ առաջարկներ չեն ստացվել: Այս մասին խորհրդարանում լրագրողների հետ զրույցում ասաց էներգետիկ ենթակառուցվածքների ու բնական պաշարների նախարար Աշոտ Մանուկյանը:

Մի բան նա վստահ հայտարարեց. «Որեւէ քաղաքական գործոն չկա»: Լրագրողները նկատել էին, որ բանակցությունները իրանական եւ թուրքմենական կողմի հետ արդյունք չեն գրանցում, քանի որ քաղաքական խնդիր կա ՌԴ-ի հետ:

Անդրադառնալով Հայաստանում Իրանի դեսպանների`մի քանի անգամ արված հայտարարություններին, թե պատրաստ են արտոնյալ գնով գազ տրամադրել Հայաստանին, նախարարն ասաց` Իրանից մրցունակ առաջարկ չի ստացվել:
Aravot.am –ի հիշեցմանը, Իրանի տարբեր դեսպաններ մի քանի անգամ հայտարարել են, որ իրենց երկիրը պատրաստ է Հայաստանին 1000 խմ-ն 100 դոլարով գազ վաճառել , նախարարը պնդեց` Իրանից մրցունակ առաջարկ չի ստացվել: Մեր հաջորդ հարցին`ո՞ր գինն է հայկական կողմի համար համարվում մրցունակ առաջարկ, նախարարը չպատասխանեց:

Մանրամասները`տեսանյութում

Նելլի ԳՐԻԳՈՐՅԱՆ

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մարտ 2018
Երկ Երե Չոր Հնգ Ուրբ Շաբ Կիր
« Փետ   Ապր »
 1234
567891011
12131415161718
19202122232425
262728293031