Լրահոս
Օրվա լրահոսը

«Ծռերից» մեկի եղբայրը երիտասարդներին կոչ արեց տեր կանգնել երկրին

Մարտ 23,2018 19:45

Ազատության հրապարակում «Հանուն Հայաստան պետության» ճակատի հրավիրված 3-րդ հանրահավաքին հանդես եկավ նաեւ Դավիթ Եղիազարյանը, որը «Սասնա ծռերից» Գագիկ Եղիազարյանի եղբայրն էր:

«Ազատ անկախ Հայաստանին հասնելու համար պետք է ստեղծել նոր համակարգ, որը հիմնականում պետք է ստեղծել երիտասարդության շնորհիվ… Ցավոք, Հայաստանում կա մթնոլորտ, որի պատճառով իշխանությունը ստորացրել է ժողովրդին, մինչդեռ իշխանությունը պետք է ծառայեր ժողովրդին»:

Նա կոչ արեց բոլոր երիտասարդներին մեկ բռունցք դառնալ եւ տեր կանգնել երկրի ապագային. «Տղաներն այսօր բանտերում են ոճրագործ իշխանությունների պատճառով… Երիտասարդներին կոչ եմ անում լինել պահանջատեր, տեր կանգնել երկրին հանուն եռագույնի»:

Նրա ելույթից հետո ցուցարարները հաղթանակ վանկարկեցին:

Դավիթ Սանասարյանն էլ ելույթում նշեց. «Իրենք ուզում են, որ ամեն առիթով մարդկանց մեջ պրոբլեմ սարքեն, որպեսզի տեղի չունենա այն, ինչ ցանկանում ենք: Ամեն ուժ ինքը կորոշի, թե ինչ է անում, բայց ժողովուրդը մի բան է ուզում, որ բոլորը միասնական, կոնկրետ գործողություններով հասնենք հաջողություն: Եկեք չվիրավորենք նրանց, ովքեր այլ կարծիք ունեն: Մեր թիրախը Սերժն է եւ համակարգը: Համակարգի անունը Սերժ Սարգսյան է, այդ համակարգի համար է կարվել Սահմանադրություն, բոլոր օրենքները դրա համար են: Իրենք վախեցած են, բայց ասում են, որ ժողովուրդն է վախեցած…»:

Նա անդրադարձավ նաեւ «Մերժիր Սերժին» երիտասարդական երթին: Կոչ արեց բոլորին մասնակցել. «Վստահ եմ, որ բոլորդ երիտասարդ եք»:

Սանասարյանի ելույթի ընթացքում մարդիկ վանկարկում էին «Մահ ռեժիմին»:

 Գոհար ՀԱԿՈԲՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Ամենաընթերցված

Օրացույց
Մարտ 2018
Երկ Երե Չոր Հնգ Ուրբ Շաբ Կիր
« Փետ   Ապր »
 1234
567891011
12131415161718
19202122232425
262728293031