Արցախի Նախագահ Բակո Սահակյանը հանձնարարել է ոստիկանության ղեկավարությանը ծառայողական հետաքննություն իրականացնել ՀՀ քաղաքացի Ասյա Խաչատրյանի հայտարարությունների կապակցությամբ: Այդ մասին«Արմենպրես»-ի հետ զրույցում նշեց Արցախի նախագահի մամուլի խոսնակ Դավիթ Բաբայանը` անդրադառնալով Խաչատրյանի պնդումներին` Արցախում ոստիկանների կողմից իր նկատմամբ ապօրինությունների կատարելու վերաբերյալ:
«Այն ինչ եղել է, բոլորս իմացանք սոցիալական կայքերի միջոցով: Անկախ նրանից՝ անձը Արցախի, Հայաստանի, թե այլ երկրի քաղաքացի է, պետք է նման դեպքերում իրականացնել ծառայողական հետաքննություն` իրականությունն անվերապահորեն պարզելու և մեղավորներին պատժելու համար, եթե պնդումներն իրականության համապատասխանեն: Սա միանշանակ է և մանրակրկիտ ձևով գործը քննվելու է»,- ասաց Բաբայանը:
Միաժամանակ, նա անթույլատրելի համարեց հարցի առնչությամբ շահարկումները, առավել ևս այն «հայաստանցի-ղարաբաղցի» տեսակետից դիտարկելու առումով: «Սա անթույլատրելի է, որովհետև նման բան ընդհանրապես չկա: Բոլոր այն մարդիկ, ովքեր փորձում են «ղարաբաղցի-հայաստանցի» արհեստական և աննորմալ գաղափարները տարածել, աշխատում են հայոց պետականության դեմ, չի կարող լինել նման»,- ընդգծեց Արցախի նախագահի մամուլի խոսնակը:
Հոդվածն ամբողջությամբ` սկզբնաղբյուր կայքում:
Հիշեցնենք, որ Ասյա Խաչատրյանը epress.am կայքին տված հարցազրույցում ասել էր, թե մեկուկես-երկու ամիս առաջ Արցախի ոստիկաններն իր հանդեպ բռնություն են գործադրել:
