Լրահոս
Օրվա լրահոսը

Սովորեցնելուց առաջ բարի եղիր ստեղծել, արարել, եւ այդ դեպքում մարդիկ առանց քո ջանքերի էլ կուսումնասիրեն արածդ, փորձդ. «Հրապարակ»

Ապրիլ 06,2018 12:04

Նախագահի հայտարարությունը՝ վարչապետի պաշտոնը ստանձնելու դեպքում հիմնական ուշադրությունը դարձնել երիտասարդ կադրերի թրծմանն ու պատրաստմանը, մի կողմից ընկալվում է որպես անհրաժեշտություն, մյուս կողմից էլ՝ կարծես թե մենք լողում ենք առատության եւ անհոգության մեջ, եւ նախագահն իրեն թույլ է տալիս զբաղվել ուսումնական հարցերով եւ ձեռքի հետ էլ վարչապետություն անել։ Կյանքը ցույց է տալիս, որ կուսակցական եւ քաղաքական աշխատանք կարող են կատարել այն անհատները, որոնք ունենում են քաղաքական պայքարի նշանակալի փորձ։ Խաղաղ գոյակցության պայմաններում երկրի ներսում քաղաքական պայքարն ընթանում է հանրության քվեն ստանալու, իշխանության լծակները վարելու, ինչպես նաեւ երկրի հարաճուն զարգացումն ապահովելու համար։ Այդ պայքարն ընթանում է գոյություն ունեցող կուսակցությունների միջեւ իրենց առաջարկած ծրագրերի, դրանց իրականացման ճանապարհների ընտրության միջեւ։ Իշխող կուսակցությունը միշտ պետք է զգա իր հետեւից ընդդիմության շունչը։ Որտեղ չկա ընդդիմություն, այնտեղ չի կարող լինել քաղաքական պայքար, եւ չկա քաղաքական պայքարի փորձ։ Իշխող կուսակցության համար ընդդիմության ապահովումը նույնպիսի հոգս է, ինչպես աշխատատեղերի ապահովումը, ներքին եւ արտաքին անվտանգության ապահովումը եւ այլն։

Ուժեղ ընդդիմությունն է իշխող կուսակցության եւ կոալիցիայի խթանը, հակառակ դեպքում չկա զարգացում, կա լճացում։ Քաղաքական պայքարի բնագավառում սովորեցնելու իրավունք ունեն այնպիսի ճանաչված անհատներ, ինչպիսին են Ուինսթոն Չերչիլը, Ֆրանկլին Ռուզվելտը, Աբրահամ Լինքոլնը եւ նրանց նմանները, որոնց անդադրում միտքն ուղղված է եղել երկիրը զարգացման նոր աստիճանի հասցնելուն՝ այն դարձնելով ավելի հզոր եւ անխոցելի։

Փորձեք ծանոթանալ նրանց գործունեությանը։ Սովորեցնելուց առաջ բարի եղիր ստեղծել, արարել, եւ այդ դեպքում մարդիկ առանց քո ջանքերի էլ կուսումնասիրեն արածդ, փորձդ։ Իսկ իրականում ի՞նչ է ստացվում․ երկիրը հայտնվել է սոցիալ-տնտեսական ծանր պայմաններում, եւ դու իրավունք ես վերապահում քեզ սովորեցնել ուրիշներին՝ երկիր ղեկավարել։ Ո՞վ չի հասկանում, որ երկրի կառավարումը խաղուպար չէ, բայց կան բացթողումներ, որոնք հեռվից էլ իրենց զգացնել են տալիս։

Սուրեն ՍՈՒՎԱՐՅԱՆ

Հոդվածն ամբողջությամբ կարող եք կարդալ «Հրապարակ» թերթի այսօրվա համարում

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Ապրիլ 2018
Երկ Երե Չոր Հնգ Ուրբ Շաբ Կիր
« Մար   Մայիս »
 1
2345678
9101112131415
16171819202122
23242526272829
30