Լրահոս
Օրվա լրահոսը

Գործարարը գտնում է, որ առանց ռուսական վարկի էլ Հայաստանն ի զորու էր ՌԴ-ից սպառազինություն գնել, եթե ՀՀ տնտեսությունը ոչնչացրած չլինեին

Ապրիլ 15,2018 19:29

Այս պահին Ազատության հրապարակին կից` Ֆրանսիայի հրապարակում, կրկին ընթանում է «Իմ քայլը» հանրահավաքը: Գործարար Սուրեն Գեւորգյանն ասաց, որ այսօր Հայաստանն ունի մեծ ներուժ, որպեսզի տնտեսությունը մրցունակ լինի միջազգային շուկայում: Բայց երեք իշխանությունների օրոք էլ, ըստ գործարարի, Հայաստանի տնտեսությունը «բարբարոսաբար ոչնչացրել» են:

Ըստ նրա` այս 21 տարիների ընթացում ոչնչացրել են Հայաստանի քիմիական արտադրությունը, Գյումրիի տեքստիլը, Հայէլեկտրո գործարանը: Գործարարի խոսքով, չորս միլիարդ դոլարը, որն Ադրբեջանը օգտագործում է իր սպառազինության համար, Հայաստանը վարկ է վերցնում, որ Ռուսաստանից գնի. «Բայց մի քանի անգամ ավելին մենք կարող էինք գնել, քանի որ Հայաստանն ունի այդ պոտենցիալը: Հայաստանը պատրաստ է իր ունեցած հնարավորություններով դառնալու միջազգային պետություն ինքնիշխան, ինքնաբավ»:

Ըստ գործարարի` Հայաստանը հարուստ է ոչ մետաղական հանքավայրերով. «Պեռլիտի հանքավայրերից կարելի է ստանալ 40 տեսակի արտադրանք, սակայն այն բռնել եւ վաճառել են ընդամենը մեկ միլիոն 800 հազար դոլարով, երբ որ դրա գինը ութ միլիարդ, ութ տրիլիոն դոլար է»:

Լուսինե ԲՈՒԴԱՂՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Ապրիլ 2018
Երկ Երե Չոր Հնգ Ուրբ Շաբ Կիր
« Մար   Մայիս »
 1
2345678
9101112131415
16171819202122
23242526272829
30