«Կարեւոր է, որ բռնություն չլինի». Դվորնիկովը՝ երեւանյան ցույցերի մասին

«Կարեւոր է, որ բռնություն չլինի». Դվորնիկովը՝ երեւանյան ցույցերի մասին

«Կարծում եմ՝ այս ամենը ժողովրդավարություն տանող գործընթացի բաղկացուցիչն է. մարդիկ իրավունք ունեն բողոքելու եւ ցույց անելու, ի՞նչ արած»,-Aravot.am-ի հետ զրույցում անդրադառնալով Սերժ Սարգսյանի վարչապետության դեմ ուղղված երեւանյան ցույցերին, ասաց ռուսաստանցի քաղաքագետ, միջազգային իրավունքի փորձագետ Դենիս Դվորնիկովը:

«Կարեւոր է, որ բռնություն չլինի, որ որեւէ քաղաքացի չտուժի: Պարզ է, որ մարդկանց մեջ ասելիք է կուտակվել, նրանք էլ իրավունք ունեն այն արտահայտելու»,-հավելեց Դվորնիկովը:

Ինչ վերաբերում է նրան, թե ինչ կկարողանան փոխել ցուցարարներն ապրիլի 17-ին, երբ սպասվում է վարչապետի թեկնածուի քվեարկությունը, մեր զրուցակցի խոսքով. «Գուցե կողմնակիցներ ունեն, նրանք ինչ-որ կերպ համախմբվում են: Երբ մարդիկ ներքուստ ընտրություն են կատարում եւ համոզմունքի գալիս, դժվար է նրանց հակառակում համոզելը»:

Լուիզա ՍՈՒՔԻԱՍՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

 
Առցանց Առավոտի լուրերին facebook-ով բաժանորդագրվելու համար սեղմեք