Նոյեմբերի 24-ին Հայաստանն ու ԵՄ-ն ստորագրեցին համապարփակ եւ ընդլայնված գործընկերության համաձայնագիրը, իսկ ապրիլի 11-ին ՀՀ Ազգային ժողովը միաձայն ընդունեց Հայաստան-Եվրամիություն Համապարփակ եւ ընդլայնված գործընկերության համաձայնագրի վավերացման մասին օրինագիծը: Այժմ սպասելու ենք ԵՄ անդամ պետությունների կողմից համաձայնագրի վավերացմանը:
Ռումինիան ե՞րբ կվավերացնի ՀՀ-ԵՄ համաձայնագիրը, հարցրեցինք Ռումինիայում ՀՀ արտակարգ եւ լիազոր դեսպան Սերգեյ Մինասյանին:
«Այս ուղղությամբ դեսպանությունը մեծ ծավալի աշխատանք է կատարել, անցկացվել են բազմաթիվ հանդիպումներ ինչպես ամենաբարձր, այնպես էլ այլ օղակների ղեկավարների մակարդակներով: Ռումինիայի ԱԳՆ-ում համաձայնագրի վավերացմանն առնչվող աշխատանքները տեւական ժամանակ է, ինչ ավարտվել են, եւ հարցը տեղափոխվել է այլ օղակներ, որտեղ, հույս ունեմ, ներպետական ընթացակարգերը նույնպես արագ կավարտվեն: Ռումինական կողմը քանիցս հավաստիացրել է, որ ՀԸԳՀ վավերացումը ընթանալու է արագացված եւ պարզեցված ընթացակարգով: Կարծում եմ, համաձայնագիրը կվավերացվի մոտ ապագայում: Դրան արդեն կհաջորդի ավելի բարդ աշխատանքը», նշեց մեր զրուցակիցը:
Ռումինիայում ՀՀ արտակարգ եւ լիազոր դեսպան Սերգեյ Մինասյանի հետ հարցազրույցն ամբողջությամբ՝ կարդացեք ապրիլի 19-ի տպագիր «Առավոտ»-ում:
ԷՄՄԱ ԳԱԲՐԻԵԼՅԱՆ
