Երեւանի քաղաքապետարանին հարակից Կոմայգում ցուցարարները որոշեցին մի փոքր հանգստանալ:
Նիկոլ Փաշինյանին մոտեցավ մի ցուցարար տղամարդ՝ ասելով. «88-ից հետո նման բան չի եղել: Մենք գիտենք 88-ը ոնց է եղել, եղել է դրսի ուժերի հաշվին, բայց այսօրվա կատարվածը, այն, ինչը դու անում ես, էդ քո ուժն ա, քո իմաստությունը, քո փորձը, քո մարդկային տեսակը, քո որակն ու հզորությունն ա: Հայաստանում քաղաքական գործիչ չկա, որ կարող է քո հետ ինչ-որ համեմատվի: Անցած 30 տարվա քաղաքական բոլոր գործիչներին, որ գումարես, այն, ինչ դու արել ես վերջին մի շաբաթում, իրանք դրա 10 տոկոսը չեն արել, չեն կարողացել Ֆրանսիայի հրապարակից բարձրանալ երկու քայլ վերեւ, մալադեց քեզ, ապրես: Մենք ամբողջ ընտանիքով՝ հարսներով, իմ երեխեքի հետ, թոռներով՝ մեծ թոռս 11-րդ դասարան է, աղջիկ երեխա, մենք գիշերը 12.30 ենք տուն գնացել, ապրե՛ս դու քո ընտանիքով: Քո երջանկությունը թող քո երեխեքը վայելեն նրա համար, ինչ դու ժողովրդի համար անում ես: Դու հզոր ես, ապրես, քո ցավը տանեմ: Մենք ամբողջ ազգով այսօր պարտավոր ենք քո արածի համար»: Ցուցարարը մոտեցավ եւ համբուրեց Փաշինյանին:
Ցուցարարներից մեկը բարեմաղթանքներ էր հղում Փաշինյանին, մեկ ուրիշն էլ ասում՝ «Վերջապես մեկը եղավ, էս մեր քնած թասիբը արթնացրեց, մալադեց քեզ»:
Հռիփսիմե ՋԵԲԵՋՅԱՆ
