Լրահոս
Օրվա լրահոսը

«Ատոմ Էգոյանը բավական թափանցիկ ակնարկներ է արել». Ստեփան Սաֆարյան

Ապրիլ 19,2018 18:15

«Ատոմ Էգոյանը բավական թափանցիկ ակնարկներ է արել: Առաջին ակնարկն այն է՝ ինչո՞ւ եք հիմա զարմացել, որ Սերժ Սարգսյանը վարչապետ է դարձել, եթե մեկ տարի առաջ դա պարզ էր: Երկրորդը՝ ինչո՞ւ բողոքի ակցիաներն այն ժամանակ չեք կազմակերպել»,- Aravot.am-ի հետ զրույցում ասաց քաղաքագետ Ստեփան Սաֆարյանն անդրադառնալով աշխարհահռչակ հայ արվեստագետ Ատոմ Էգոյանի արձագանքին՝ Նիկոլ Փաշինյանի՝ շարժմանը միանալու կոչերին:

«Փաստացի, եւ ուշացած լինելու գնահատական կա, եւ մի տեսակ տարակուսանք՝ ինչո՞ւ է մի բան արվում այժմ, երբ կարող էր արվել մեկ տարի առաջ»,- ասում է մեր զրուցակիցը:

Ստեփան Սաֆարյանը պատկերացնում է ի՞նչ «շոկ են ապրել» սփյուռքահայ հայտնի դեմքերը մեկ տարի առաջ, երբ Հայաստանում դիտարկում էին ընտրությունների ընթացքը: «Ժողովրդավարական հասարակություններում ապրած մարդիկ ականատես են եղել թե ինչպե՞ս են մարդկանց խմբերով բերում, ասում էին, որ քվեի մասսայական վաճառք է եղել… եւ առավել, քան հիասթափեցնող պետք է եղած լինի, երբ դրան չեն հետեւել որեւէ քաղաքական ուժի եւ հասարակության կողմից բողոքի ակցիաներ: Քաղաքական ուժերը փաստացի համակերպվեցին եւ ճանաչեցին իրավիճակն այնպիսին, ինչպիսին կա»,- ասաց մեր զրուցակիցը:

Անդրադառնալով էլ Երեւանի փողոցներում դեռեւս ընթացող ցույցերին, մեր զրուցակիցն ասաց՝ ի՞նչ զարգացումներ եւ ի՞նչ ժամկետներում կլինեն՝ ժամանակը ցույց կտա: Նա կարեւոր է համարում, որ երիտասարդների այս ըմբոստությունն ու պատրաստակամությունը վերածվի քաղաքական կապիտալի:

Նելլի ԳՐԻԳՈՐՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (1)

Պատասխանել

  1. man vel says:

    Գալիս է նաև սխալները ուղղելու ժամանակը

Պատասխանել

Օրացույց
Ապրիլ 2018
Երկ Երե Չոր Հնգ Ուրբ Շաբ Կիր
« Մար   Մայիս »
 1
2345678
9101112131415
16171819202122
23242526272829
30