Լրահոս
Օրվա լրահոսը

«Սերժ Սարգսյանն արդեն զգում է ժողովրդական թավշյա հեղափոխության շունչը». Նիկոլ Փաշինյան

Ապրիլ 19,2018 21:15

«Օրերս Սերժ Սարգսյանը հայտարարեց, որ վերջապես Երեւանում առանձնատուն ունեցավ: Կառավարության որոշմամբ՝ ՀՀ թիվ մեկ առանձնատունը նրան տրվեց: Նման անփառունակ ձեւով նա հեռացավ պաշտոնից՝  Կարեն Կարապետյանի մասին է խոսքը…Դեռ մի քանի օր առաջ ասել էի, որ Կառավարության առաջին քայլը պետք է լինի այդ առանձնատունը կրկին ազգայնացնելը, որովհետեւ դա ՀՀ սեփականությունն է: Բայց այսօր այդ անփառունակ կառավարության նիստում Սերժ Սարգսյանը հայտարարել է, թե ինքնակամ հրաժարվում է այդ առանձնատնից:

Սա նշանակում է, որ Սերժ Սարգսյանն ինքն արդեն զգում է ժողովրդական թավշյա հեղափոխության շունչը: Այսօր մեր փողոցային ակցիաների ամենահզոր օրն է եղել: Թավշյա հեղափոխության հաղթանակը սարերի հետեւում չէ»,-Հանրապետության հրապարակում քիչ առաջ Սերժ Սարգսյանի եւ ՀՀԿ-ի դեմ հանդես եկող ցուցարարների հանրահավաքում հայտարարեց նրանց առաջնորդ, պատգամավոր Նիկոլ Փաշինյանը:

Նա նշեց. «Ժողովրդական հեղափոխությունը վերածվել է ժողովրդական տոնախմբության, որովհետեւ մարդիկ զգում են իրենց մոտալուտ հաղթանակը: Կասկածներ ունեմ, որ շչակների ներքո շրջադարձային կերպով փոխվել է նաեւ ոստիկանության վերաբերմունքը: Այսօրվա երթի ժամանակ ոստիկանությունն ուղեկցում էր մեզ: Ակնհայտ էր, որ նրանք չէին հավատում իրենք տեսածին ու լսածին: Նրանք տեսան, որ Սերժ Սարգսյանը ՀՀ-ում գործնականում չունի կողմնակիցներ»:

Փաշինյանը հավելեց. «Այն, ինչ այսօր տեղի ունեցավ Երեւանի փողոցներում, աներեւակայելի է: Մենք ասում էինք՝ «սիգնալ տուր, եթե դեմ ես Սերժին», եւ Երեւանը ողողված էր մեքենաների շչակների ձայներով»:

Լուիզա ՍՈՒՔԻԱՍՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Ապրիլ 2018
Երկ Երե Չոր Հնգ Ուրբ Շաբ Կիր
« Մար   Մայիս »
 1
2345678
9101112131415
16171819202122
23242526272829
30