Լրահոս
Օրվա լրահոսը

Բեռնատարներով ցույցը սկսված է

Ապրիլ 20,2018 09:05

«Սկսում ենք բեռնատարներով ճանապարհները փակելու օպերացիան»,-քիչ առաջ ֆեյսբուքյան ուղիղ եթերում հայտարարեց «Քայլ արա, մերժիր Սերժին» շարժման համակարգող Նիկոլ Փաշինյանը: Ինչպես երեկ հայտարարվել էր հանրահավաքի ժամանակ, այսօր ցույցերի մասնակիցները հանրապետության բոլոր ճանապարհները եւ մայրուղիները փակելու են բեռնատար մեքենաներով: Նիկոլ Փաշինյանը մեքենաների վարորդներին կոչ արեց՝ հոգ տանել նաեւ, որ ոստիկանները չկարողանան մեքենան արագ տեղից շարժել: Հորդորեց՝ անիվները թուլացնել, ինչ-որ կերպ խափանել մեքենայի աշխատելու հնարավորությունը, որ մինչեւ ոստիկանները հասկանան, թե ինչ պետք է անել՝ մի քանի ժամ անցնի:

«Այսօրվա ակցիան շատ կարեւոր է, եթե ակցիան հաջողվի՝ կնշանակի թավշյա հեղափոխությանը մի քանի օր է մնացել»,- հայտարարեց Նիկոլ Փաշինյանը՝ հավելելով, որ կաթվածահար անելով տրանսպորտը՝ ոստիկաններին եւ պետական գերատեսչությունների աշխատակիցներին, պետք է ցույց տալ, որ Սերժ Սարգսյանը չի տիրապետում իրավիճակին:

Գյուղական համայնքներում, մարզերում նա բնակիչներին կոչ արեց օգտագործել տրակտորներ, այլ տեխնիկա եւ ցույց տալ, որ «Սերժ Սարգսյանի հեռանալու ժամը եկել է»:

Նիկոլ Փաշինյանն առայժմ չի հայտարարում, թե ինքը որտեղ կլինի: Միայն ասաց՝ ցույցի այն վայրում, որն ամենամարդաշատը կլինի:

Երեկոյան ժամը 19-ին Հանրապետության հրապարակում կրկին հանրահավաք կկայանա:

Նելլի ԳՐԻԳՈՐՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Ապրիլ 2018
Երկ Երե Չոր Հնգ Ուրբ Շաբ Կիր
« Մար   Մայիս »
 1
2345678
9101112131415
16171819202122
23242526272829
30