Լրահոս
Օրվա լրահոսը

Հայաստանի պետական սիմֆոնիկ նվագախումբը հանդես եկավ մեծահամբավ դիրիժոր Դմիտրի Սիտկովեցկու ղեկավարությամբ

Ապրիլ 20,2018 17:48

Մալթայի միջազգային երաժշտական փառատոնի շրջանակներում ապրիլի 19-ին Հայաստանի պետական սիմֆոնիկ նվագախմբի լարային կազմը հանդես է եկել հանրահայտ դաշնակահարուհի Ջուլյա Զիլբերքվիթի հետ։ Համերգը ղեկավարել է մեծահամբավ դիրիժոր Դմիտրի Սիտկովեցկին՝ միաժամանակ հանդես գալով որպես ջութակահար։ Երաժիշտները ունկնդիրներին մատուցեցին շատ հետաքրքիր ծրագիր՝ «Concerto Extravaganza» խորագրով։ Երեկոյի ընթացքում հնչեցին՝ հատված Օտորինո Ռեսպիգիի սյուիտից, Ալեքսեյ Շորի՝ Ջութակի եւ լարային նվագախմբի համար «Մանհեթնի տարվա չորս եղանակները» շարքը (մենակատար՝ Դմիտրի Սիտկովեցկի, ջութակ), Անտոնինո Վիվալդի/Յոհան Սեբաստիան Բախ երկու կոնցերտ՝ Ջուլյա Զիլբերքվիթի մշակմամբ (մենակատար՝ Ջուլյա Զիլբերքվիթ) եւ Վիվալդիի հանրահայտ «Տարվա եղանակները» (մենակատար եւ դիրիժոր՝ Դմիտրի Սիտկովեցկի, ջութակ)։

Ի՞նչն է ստիպել Ջուլյա Զիլբերքվիթին փոխադրել Վիվալդիի ստեղծագործությունը. լրագրողի այս հարցին դաշնակահարուհին պատասխանեց, որ Վիվալդին գրել է բազմաթիվ կոնցերտներ նվագախմբի համար, բայց ոչ մեկը՝ ստեղնաշարային գործիքների համար։ Ուստի որոշեց փոխադրումներ կատարել դաշնամուրի համար։ Ընդ որում, սա դաշնակահարուհու առաջին փոխադրումը չէ։ Ժամանակին նա փոխադրել է նաեւ Շոստակովիչի կոնցերտներից մեկը, որի պրեմիերան տեղի է ունեցել 1996 թվականին՝ դիրիժոր Սիտկովեցկու գլխավորությամբ։

Ջուլյա Զիլբերքվիթը նշեց նաեւ, որ ուրախ է ելույթ ունենալ Հայաստանի պետական սիմֆոնիկ նվագախմբի հետ. սա իրենց առաջին համագործակցությունը չէ։ Եվ ամեն անգամ հաճույքով է ելույթ ունենում պորֆեսիոնալ այս կոլեկտիվի հետ։

Երեկոյի ընթացքում ներկայացվեց երկու գործ՝ նվիրված տարվա եղանակներին։ Լրագրողի հարցին՝ արդյոք կա՞ աղերս այդ երկուսի միջեւ, Դմիտրի Սիտկովեցկին պատասխանեց, որ տարվա եղանակները շատ կոմպոզիտորների հուզող թեմա է, քանի որ այն արտացոլում է կյանքի ցիկլը։ Ըստ երաժշտի՝ յուրաքանչյուր կոմպոզիտոր տարվա եղանակի իր ընկալումն ու արտահայտչամիջոցն ունի։

Մամուլի հաղորդագրություն

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Ամենաընթերցված

Օրացույց
Ապրիլ 2018
Երկ Երե Չոր Հնգ Ուրբ Շաբ Կիր
« Մար   Մայիս »
 1
2345678
9101112131415
16171819202122
23242526272829
30