«Իշխանության ձևավորման ամենածանր շրջանն առջևում է: Ձևական առումով ՀՀԿ-ն շարունակում է խորհրդարանական մեծամասնություն մնալ, բայց եթե այն փորձ անի վարչապետի սեփական թեկնածուին առաջադրել, ապա արդեն շատ կոշտ հակազդեցության կարող է արժանանալ»,-Aravot.am-ի հետ զրույցում անդրադառնալով իշխանության ձեւավորման հետագա գործընթացին, ասաց արտակարգ եւ լիազոր դեսպան Արման Մելիքյանը:
«Այսօր միայն Սերժ Սարգսյանի հրաժարականի օրը չէ: Այսօր իրականում ավարտվեց ՀՀԿ-ՀՅԴ խորհրդարանական իշխանական կոալիցիայի ապօրինի կառավարման շրջանը և նրանք շուտով պարտավորված են լինելու ԱԺ-ում քվեարկելու այն վարչապետի թեկնածուի օգտին, ում անունը կհնչեցվի Հանրապետության հրապարակում»,- կարծում է Արման Մելիքյանը:
Ըստ մեր զրուցակցի, քաղաքական տրամաբանությունը հուշում է, որ հրապարակում կհնչի Նիկոլ Փաշինյանի անունը:
Նելլի ԳՐԻԳՈՐՅԱՆ
