Լրահոս
Օրվա լրահոսը

«Ոչ թե «լայքեք», այլ «սրտիկեք» Կարեն Կարապետյանին». Արայիկ Հարությունյան

Ապրիլ 25,2018 21:07

«Կարեն Կարապետյանը եւ նրա թիմը ներկայանում են որպես «դրայվոտ» դեմքեր, բայց պարզվում է՝ Քաղաքապետարանը հավաքել է դպրոցների եւ մանկապարտեզների տնօրեններին եւ ասել, որ Կարեն Կարապետյանի գրածները «լայքեն»,-Հանրապետության հրապարակում «Իմ քայլը» շարժման ցուցարարների հանրահավաքում այսօր հայտարարեց Երեւանի ավագանու «Ելք» խմբակցության անդամ Արայիկ Հարությունյանը:

«Նրանք լայքելո՜վ են պահում իրենց վարչապետին»,-ասաց նա, ինչին ի պատասխան ցուցարարները վանկարկեցին՝ «ամո՜թ»… Ապա Արայիկ Հարությունյանը հեգնեց. «Առաջարկում եմ ոչ թե «լայքել», այլ «սրտիկել» Կարեն Կարապետյանին»: Ապա` Արայիկ Հարությունյանը նշեց. «Պատգամավոր Միհրան Պողոսյանը, որն այս օրերին Զեյթունում իր խմբերով թույլ չի տալիս, որ մարդիկ դուրս գան ցույցի, մամուլով կոչ է արել բառացել ցուցարարների հանդեպ ուժի կիրառումը»:

Ավագանու անդամը հավելեց, որ իրենց շարժմանը միացել են Արմավիրի մարզի Նորապատ, Նորավան, Լուկաշին, Արարատի մարզի Մարմարաշեն, Տավուշի մարզի Կողբ համայնքների ղեկավարները:

Լուիզա ՍՈՒՔԻԱՍՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Ապրիլ 2018
Երկ Երե Չոր Հնգ Ուրբ Շաբ Կիր
« Մար   Մայիս »
 1
2345678
9101112131415
16171819202122
23242526272829
30