Լրահոս
Օրվա լրահոսը

Վաղը 20 րոպե կկանգնեցվի երթևեկությունը. Նիկոլ Փաշինյանը կոչ արեց նոր թափ տալ անհնազանդություններին

Ապրիլ 25,2018 22:30

Վաղը անհնազանդության գործողությունները կսկսեն ժամը 12.00-ից: Նիկոլ Փաշինյանը հարթակից հայտարարեց. «Վաղը ես իմ գործողությունները կսկսեմ ժամը 12.00-ից Լամբադա կամրջի սկզբնամասից դեպի Կոմիտաս տանող տարածք»:

Նիկոլ Փաշինյանի տեղեկացմամբ՝ վաղը 19.00-ին տեղի կունենա հանրահավաք՝ Հանրապետության հրապարակում. «Առավոտից նոր թափով և ծավալներով շարունակվում են գործադուլները, դասադուլները, ժողովուրդ ջան, ևս մեկ քայլ ենք անում և ավարտին հասցնում այս պատմությունը: Քաղաքացիական անհնազանդության բոլոր գործողությունները վերսկսվում են վաղը 12.00-ին:

Ճանապարհների, կամուրջների շրջափակում, գիտեմ, որ 80 բեռնատար է հավաքվել և հիմա Սևան մայրուղու վրա են, և բեռնատարներին կոչ եմ անում վաղը մտնել Երևան և շրջափակել բոլոր այն փողոցները, որոնք հնարավոր են: Կոչ եմ անում բոլոր ավտոմեքենաները 12.05 ամբողջ Հանրապետության տարածքում 20 րոպե կանգնեն և ուղղակի դադարեցնեն երթևեկությունը»:

Հանրահավաքն ավարտվեց, մեկնարկեց Նեմրա խմբի համերգը: Հանրահավաքի կազմակերպիչները հորդորեցին հավաքից հետո ինքնակազմակերպվել և տուն գնալ:

Տաթև ՀԱՐՈՒԹՅՈՒՆՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Ապրիլ 2018
Երկ Երե Չոր Հնգ Ուրբ Շաբ Կիր
« Մար   Մայիս »
 1
2345678
9101112131415
16171819202122
23242526272829
30