Ի՞նչ ունենք հիմա.
1. ՀՀ վարչապետ Սերժ Սարգսյանը հրաժարական տվեց: Ընդունեք-չընդունեք` բարձր նոտայի վրա: Զուսպ ու արժանապատիվ` առանց պատասխանատվությունը որևէ մեկի կամ ուժի վրա գցելու` ի տարբերություն առաջին նախագահի, որ հրաժարական տալիս հայտարարեց` խաղաղության կուսակցությունը պարտվեց պատերազմի կուսակցությանը: Սերժ Սարգսյանը հեռացավ, թեև ուներ մնալու տարբերակներ, որ «իրենը չէին», նա նաև «մաքրվեց» 2008-ի մարտի 1-ից` սահմանազատվելով թե՛ Լևոն Տեր-Պետրոսյանից, թե՛ Ռոբերտ Քոչարյանից:
2. Ի՞նչ է կատարվում Հայաստանում` թավշյա, ժողովրդական հեղափոխությու՞ն, թե՞ հեղաշրջում` այս հարցի պատասխանը որևէ մեկն ունի՞:
3. Սերժ Սարգսյանը չէր խառնվում ՀՀԿ-ի գործերին, թեպետ ՀՀԿ նախագահն է: Ապրիլի 25-ին նա ՀՀԿ խմբակցության պատգամավորներին հրավիրեց հանդիպման, որից հետո խմբակցությունը տեղեկացրեց, որ նույն օրը հանդիպել են պաշտոնաթող նախագահ Սերժ Սարգսյանի և ՀՀ վարչապետի պաշտոնակատար Կարեն Կարապետյանի հետ: Սերժ Սարգսյանը ներկա է եղել հանդիպման միայն առաջին մասին, մանրամասն ներկայացրել է հրաժարականի պատճառները և խոսել ԱԺ-ում աշխատելու տարբեր ձևաչափերի մասին` հորդորելով առաջնային նշանակություն տալ ներքին կայունությանն ու երկրի անվտանգությանը, որ «ցանկացած որոշման դեպքում կարելի է իրականացնել միայն ՀՀԿ-ի միասնության շնորհիվ»։ Ամենայն հավանականությամբ` նա կհեռանա նաև ՀՀԿ նախագահի պաշտոնից: Հակառակ կանխատեսումների` ՀՀԿ-ում առնետավազք չկա: Մայիսի 1-ի ԱԺ հատուկ նիստում ՀՀԿ-ն վարչապետի թեկնածու կառաջադրի Կարեն Կարապետյանին:
Անահիտ ԱԴԱՄՅԱՆ
Հոդվածն ամբողջությամբ՝ «Իրատես» թերթի այսօրվա համարում
